કુદરતી ખેતી કરનારા ખેડૂતોને પ્રોત્સાહન આપી રહી છે સરકાર

મુખ્યમંત્રી મનોહર લાલે કહ્યુ કે રાજ્યમાં કુદરતી ખેતીને પ્રોત્સાહન આપવા માટે એક સમર્પિત પોર્ટલ શરુ કર્યુ છે.

Updated: Saturday, May 21, 2022, 15:51 [IST]

ચંદીગઢઃ મુખ્યમંત્રી મનોહર લાલે કહ્યુ કે રાજ્યમાં કુદરતી ખેતીને પ્રોત્સાહન આપવા માટે એક સમર્પિત પોર્ટલ શરુ કર્યુ છે જેના પર માત્ર પ્રાકૃતિક ખેડૂતો રજિસ્ટર થશે. 50 બ્લૉક હેઠળ જે ખેડૂતો પોતાનુ ઉત્પાદન જાતે બનાવશે તેમને 35,000 રુપિયા પ્રોત્સાહન રકમ આપવામાં આવશે પરંતુ જરૂરી શરતોને પૂરી કરેલી હોવી જોઈએ.

શુક્રવારે તેઓ હરિયાણા નિવાસ, ચંદીગઢ ખાતે હરિયાણામાં કુદરતી ખેતી કાર્યક્રમના અમલીકરણની સમીક્ષા કરવા માટે ગુજરાતના રાજ્યપાલ આચાર્ય સાથે સમીક્ષા બેઠક કરી રહ્યા હતા. આ બેઠકમાં કૃષિ અને ખેડૂત કલ્યાણ મંત્રી જેપી દલાલ પણ હાજર હતા. મુખ્યમંત્રીએ જમીનના આરોગ્યની ચકાસણી પર વિશેષ ભાર મુકીને પ્રાકૃતિક ખેતીને પ્રમાણિત પ્રયોગશાળાઓ દ્વારા પ્રમાણિત કરવા પર ભાર મૂક્યો હતો.

મનોહર લાલે કહ્યું કે વિભાગ દ્વારા પ્રાકૃતિક ખેતીની પ્રામાણિકતા પર દેખરેખ રાખવા પર ભાર મૂકવો જોઈએ જેથી વાસ્તવિક ઉત્પાદનો બજારમાં આવી શકે. તેમણે વિભાગના અધિકારીઓને દરેક જિલ્લામાં 25-25 યુવા ખેડૂતોને તૈનાત કરવાનો નિર્દેશ આપ્યો, જેમને કુદરતી ખેતીની અધિકૃત તાલીમ આપવામાં આવી છે. મુખ્યમંત્રીએ નિર્દેશ આપ્યા કે વધુ નવીન ટેકનોલોજીઓ પણ શોધવી જોઈએ.

મુખ્યમંત્રી મનોહર લાલે એગ્રીકલ્ચરલ ટેક્નોલોજી મેનેજમેન્ટ એજન્સી (ATMA) ના કર્મચારીઓને તાલીમ આપ્યા બાદ કાર્યક્રમ શરૂ કરવા અને તેમને HP, ગુજરાત રાજ્યના કુદરતી ખેતી મોડલથી પરિચિત કરાવવાનો નિર્દેશ પણ આપ્યો હતો. ગુજરાતના રાજ્યપાલ આચાર્ય દેવવ્રતે જણાવ્યું હતું કે ખેડૂતોને જૈવિક ખેતીથી વધુ ફાયદો નથી મળી રહ્યો તેથી દરેક વ્યક્તિએ કુદરતી ખેતી અપનાવવી જોઈએ. પ્રશિક્ષિત ખેડૂતો અન્ય લોકો માટે આ મિશનમાં જોડાવા માટે ટ્રેનર તરીકે કામ કરશે. આ પ્રસંગે ACS ડૉ. સુમિતા મિશ્રા, કૃષિ વિભાગના મહાનિર્દેશક ડૉ. હરદીપ સિંહ, બાગાયતના મહાનિર્દેશક ડૉ. અર્જુન સિંહ સૈની, સંશોધકો અને અન્ય મહાનુભાવો ઉપસ્થિત રહ્યા હતા.