ઉત્તર પ્રદેશ: રેપ મામલે દોષી પૂર્વ મંત્રી ગાયત્રિ પ્રજાપતિને ઉમરકેદની સજા, 2 લાખ રૂપિયા દંડ
ઉત્તર પ્રદેશના પૂર્વ મંત્રી ગાયત્રી પ્રજાપતિ સહિત ત્રણ લોકોને સાંસદ-ધારાસભ્ય વિશેષ અદાલતે આજીવન કેદની સજા ફટકારી છે. બુધવારે કોર્ટે પ્રજાપતિને મહિલા પર બળાત્કારના કેસમાં દોષિત ઠેરવ્યો હતો. શુક્રવારે કોર્ટે દોષિત પ્રજાપતિ
ઉત્તર પ્રદેશના પૂર્વ મંત્રી ગાયત્રી પ્રજાપતિ સહિત ત્રણ લોકોને સાંસદ-ધારાસભ્ય વિશેષ અદાલતે આજીવન કેદની સજા ફટકારી છે. બુધવારે કોર્ટે પ્રજાપતિને મહિલા પર બળાત્કારના કેસમાં દોષિત ઠેરવ્યો હતો. શુક્રવારે કોર્ટે દોષિત પ્રજાપતિ અને અન્યને સજાની જાહેરાત કરી છે. કોર્ટે ગાયત્રી પ્રજાપતિને 2 લાખ રૂપિયાનો દંડ પણ ફટકાર્યો છે. ગાયત્રી પ્રજાપતિ ઉત્તર પ્રદેશમાં અખિલેશ યાદવના નેતૃત્વવાળી સરકારમાં ખાણકામ મંત્રી હતા.
વિશેષ ન્યાયાધીશ પીકે રાયે ગાયત્રી પ્રજાપતિ અને અન્ય બેને POCSO એક્ટની કલમો હેઠળ મહિલા સાથે સામૂહિક બળાત્કાર અને તેની સગીર પુત્રી પર બળાત્કાર કરવા બદલ દોષિત ઠેરવ્યા હતા. દોષિત ગાયત્રી પ્રજાપતિ, અશોક તિવારી અને આશિષ શુક્લાને આજીવન કેદની સજા ફટકારવામાં આવી છે. તે જ સમયે, આ કેસમાં અન્ય ચાર આરોપીઓ - વિકાસ વર્મા, રૂપેશ્ર્વર, અમરેન્દ્ર સિંહ અને ચંદ્રપાલ -ને પુરાવાના અભાવે કોર્ટે નિર્દોષ જાહેર કર્યા હતા.
શું છે પુરો મામલો?
આ મામલો 2017નો છે. ચિત્રકૂટ જિલ્લાની એક મહિલાએ સપા સરકારના કેબિનેટ મંત્રી ગાયત્રી પ્રજાપતિ અને તેના સહયોગીઓ પર સામૂહિક બળાત્કાર અને તેની પુત્રી પર બળાત્કાર કરવાનો પ્રયાસ કરવાનો આરોપ લગાવ્યો હતો. મહિલાએ કહ્યું હતું કે ગાયત્રી પ્રજાપતિ અને તેના સાગરિતોએ જો આરોપ પાછા ન ખેંચે તો પરિવારને મારી નાખવાની ધમકી આપી હતી. આ પછી પીડિતાએ કેસ નોંધવા માટે સુપ્રીમ કોર્ટમાં અરજી કરી હતી.
ફેબ્રુઆરી 2017માં સુપ્રીમ કોર્ટના આદેશ બાદ ગાયત્રી પ્રજાપતિ અને અન્ય લોકો વિરુદ્ધ ગૌતમપલ્લી પોલીસ સ્ટેશનમાં FIR નોંધવામાં આવી હતી. આ કેસમાં ગાયત્રી પ્રજાપતિની માર્ચ 2017ના રોજ ધરપકડ કરવામાં આવી હતી. ત્યારથી ગાયત્રી પ્રજાપતિ જેલમાં છે અને સ્પેશિયલ કોર્ટમાં કેસ ચાલી રહ્યો હતો. જેમાં હવે નિર્ણય આવી ગયો છે.