પ્લાઝમા ડોનેટ કરવાના નામે દિલ્લી વિધાનસભા અધ્યક્ષ સાથે છેતરપિંડી
દિલ્લી વિધાનસભા અધ્યક્ષ રામ નિવાસ ગોયલ સાથે પ્લાઝમા ડોનેટ કરવાના નામે છેતરપિંડી કરવાની કોશિશ કરનારની ધરપકડ કરવામાં આવી છે.
દિલ્લી વિધાનસભા અધ્યક્ષ રામ નિવાસ ગોયલ સાથે પ્લાઝમા ડોનેટ કરવાના નામે છેતરપિંડી કરવાની કોશિશ કરનારની ધરપકડ કરવામાં આવી છે. ગોયલ સાથે પ્લાઝમાં ડોનેટ કરવાના બદલામાં મોટી રકમ માંગવામાં આવી હતી. આ અંગે દિલ્લી વિધાનસભા સ્પીકર રામનિવાસ ગોયલે પોલિસમાં ફરિયાદ કરી હતી. ગોયલની ફરિયાદ પર દિલ્લી પોલિસે મુખ્ય આરોપી અબ્દુલ કરીમ ઉર્ફે રાહુલ ઠાકુરની ધરપકડ કરી છે.
દિલ્લી વિધાનસભા અધ્યક્ષ રામ નિવાસ ગોયલે પોલિસને જણાવ્યુ કે પ્લાઝ્મા ડોનેટ કરવાના બદલામાં તેણે રૂપિયા માંગ્યા હતા. આરોપીએ ખુદને રામ મનોહર લોહિયા હોસ્પિટલનો ડૉક્ટર ગણાવ્યો અને પેટીએમના માધ્યમથી રૂપિયા મોકલવા માટે કહ્યુ. દિલ્લી પોલિસે આ કેસની તપાસ શરૂ કરી અને આરોપીને પકડી લીધો.
દિલ્લી પોલિસનુ કહેવુ છે કે બ્લડ ડોનેશનના નામ પર છેતરપિંડી કરનાર આરોપી મૂળ ઉત્તર પ્રદેશના મુઝફ્ફરનગરનો છે. તે પોતાનુ નામ બદલીને રહેતો હતો અને બીજા ધર્મોના નામ જણાવીને છેતરપિંડી કરતો હતો. દિલ્લી પોલિસ આરોપીની પૂછપરછ કરને જાણવાની કોશિશ કરી રહી છે કે કેટલા લોકો તેની સાથે છે અને અત્યાર સુધી તે કેટલા કેસોને અંજામ આપી ચૂક્યો છે.
Click it and Unblock the Notifications
Sign in with Google
