ગોપીનાથ મુંડે: ભાજપ જ નહીં દેશે ગુમાવ્યા એક જમીની નેતા

| Updated: Tuesday, June 3, 2014, 10:16 [IST]

વડાપ્રધાન નરેન્દ્ર મોદીના કેબિનેટમાં ગ્રામીણ વિકાસ મંત્રી અને મહારાષ્ટ્ર ભાજપના દિગ્ગજ નેતા ગોપીનાથ મુંડેની કારનો આજે સવારે ભયાનક અકસ્માત થયો હતો. આ અકસ્માતમાં મુંડેને ઇજાઓ થતાં તેમને સફદરજંગ હોસ્પિટલ ખાતે સારવાર અર્થે દાખલ કરવામાં આવ્યા હતા, જ્યાં સવારે આઠ વાગ્યે ડોક્ટર્સ દ્વારા તેમને મૃત જાહેર કરવામાં આવ્યા છે. ભાજપી નેતા અને કેબિનેટ મંત્રી નીતિન ગડકરીએ ગોપીનાથ મુંડેના નિધનની પૃષ્ટિ કરી છે.

કેબિનેટ મંત્રી અને ભાજપના નેતા નીતિન ગડકરીએ પત્રકારોને જણાવ્યું કે, સવારે સાડા છ વાગ્યાની આસપાસ તેમની કારને અકસ્માત થયો હતો. અકસ્માત બાદ તેમને જોરદાર ધક્કો લાગ્યો હતો અને તેઓ કારમાં પડી ગયા હતા. બાદમાં તેમણે સુરક્ષા કર્મી પાસે પાણી માંગ્યું હતું અને બાદમાં કહ્યું હતું કે મને હોસ્પિટલ લઇ જાઓ, પરંતુ બાદમાં તેમનું હૃદય બંધ પડી ગયું હતું. ડોકર્ટર્સે ઘણા પ્રયાસો કર્યા પરંતુ તેમનું હૃદય ફરી ચાલું થયું નહોતું. 7.45 વાગ્યે ડોક્ટર્સે તેમને મૃત જાહેર કરવામાં આવ્યા હતા. તેમને કારમાં પડી જતા મોઢાના ભાગે ઇજા થઇ હતી અને બાદમાં તેમનું હૃદય બંધ પડી ગયું હતું. ડોક્ટર્સે સૌથી પહેલા હર્ષવર્ધનને આ અંગે જાણ કરી હતી.

ગોપીનાથ મુંડે ભારતીય જનતા પાર્ટીમાં એક જમીની નેતા હતા. તેઓ એક પછાત વર્ગમાંથી આવતા હતા અને તેઓ પોતાના કાર્યક્ષેત્રમાં તથા મહારાષ્ટ્રના રાજકારણમાં તેઓ પોતાની કામ કરવાની વૃત્તિ માટે જાણીતા હતા. ગોપીનાથ મુંડે માત્ર ભાજપના નેતાઓ સાથે જ નહીં પરંતુ વિરોધ પક્ષના નેતાઓ સાથે પણ તેમના સારા સંબંધ હતા. અન્ય પાર્ટીઓ સાથે રાજકીય મતભેદ હતા, પરંતુ પારિવારિક રીતે તેઓ બધા સાથે મૈત્રીપૂર્ણ રીતે મળતા હતા. પોતાની 40 વર્ષની રાજકીય કારકિર્દીમાં તેઓ હંમેશા જનતા સાથે જોડાયેલા રહ્યાં હતા. ગરીબોની તેમને સતત ચિંતા રહેતી હતી. ચાલો તસવીરો થકી તેમની રાજકીય યાત્રા પર એક નજર ફેરવીએ.