હરિયાણામાં દલિત યુવતિ પર સામૂહિક બળાત્કાર ગુજારી બનાવ્યો MMS

ગુડગાંવ, 26 સપ્ટેમ્બર: હમણાં જ થોડા દિવસો પહેલાં પૂર્વ હરિયાણાના હિસાર જિલ્લામાં એક દલિત મહિલા પર બળાત્કાર ગુજારી એમએમએસ બનાવ્યો હોવાની ઘટનાની શાહી સુકાઇ નથી ત્યાં તો જીંદ જીલ્લામાં એક દલિત મહિલા સાથે સામૂહિક બળાત્કાર ગુજાર્યો હોવાના સમાચાર પ્રકાશ આવ્યા છે. ત્રણ યુવકોએ એક દલિત મહિલા ઉપર સામૂહિક બળાત્કાર ગુજાર્યો હોવાનો આરોપ લગાવવામાં આવ્યો છે. દલિત મહિલા ઉપર સામૂહિક બળાત્કાર ગુજારી તેનો વીડિયો બનાવવામાં આવ્યો છે.

પોલીસે આ મુદ્દે કેસ દાખલ કરીને તપાસ શરૂ કરી દિધી છે. પોલીસે પીડિતાને મેડિકલ ચેકઅપ માટે હોસ્પિટલમાં મોકલી આપી દિધી છે. આરોપીઓની ધરપકડ માટે સંભવિત જગ્યાઓ પર દરોડા પાડવામાં આવી રહ્યાં છે. ઉલ્લેખનીય છે કે હરિયાણામાં દલિતો પર અત્યાચારની ઘટનાઓ વધી રહી છે. યાદ હોય તો થોડાં દિવસો અગાઉ પૂર્વ હિસાર જિલ્લામાં એક દલિત કિશોરી પર સામૂહિક બળાત્કાર ગુજારી તેના અશ્લિલ ફોટા અને વીડિયો જાહેર થવાની ધમકીથી ડરીને છોકરીના પિતાએ આત્મહત્યા કરી હોવાનો કિસ્સો પ્રકાશમાં આવ્યો હતો. ત્યારબાદ પોલીસે અને વહિવટીતંત્રએ કડક કાર્યવાહી કરવાનો દિલાસો આપ્યો હતો.

English summary

In north Haryana, a Dalit woman was allegedly gang-raped last week. Unconfirmed reports say that the attack in the Jind district was also filmed on a phone camera. One person has been arrested in this case, police said, adding that search is on for two others.