Haryana Elections 2024 : બીજેપી માટે હરિયાણા હારેલુ મેદાન છે? જાણો શું કહી રહ્યાં છે એક્સપર્ટ?

Haryana Assembly Elections 2024 : જેમ જેમ હરિયાણામાં વિધાનસભા ચૂંટણી નજીક આવી રહી છે તેમ તેમ બીજેપીની મુશ્કેલી વધી રહી છે.

એક તરફ રાજ્યના ખેડૂતો બીજેપી નેતાઓને ભગાડી રહ્યાં છે તો બીજી તરફ કંગના રનૌતના ખેતી કાયદા પાછા લાવવાના નિવેદને બીજેપીની મુશ્કેલી વધારી છે.

જાણકારોનું માનીએ તો 10 વર્ષથી સત્તામાં રહેલી બીજેપી આ વખતે હારેલી બાજી રમી રહી છે. જે રીતે રાજ્યમાં બીજેપીનો વિરોધ છે તેને જોતા સત્તામાં આવવુ મુશ્કેલ છે.

જાણકારોનું માનીએ તો હરિયાણામાં બીજેપી માંડ 30 સીટો સુધી પહોંચી શકે છે. અહીં કિસાન આંદોલન, વિનેશ ફોગાટ અને કંગના રનૌતના ખેડૂત વિરોધી નિવેદને બીજેપીને ખેલમાંથી પહેલા જ બહાર કરી દીધી છે. જો કે કેટલાક વિસ્તારોમાં હજુ પણ બીજેપીની પકડ છે અને તે 30 આસપાસ સીટો જીતી શકે છે.

પત્રકાર અજિત અંજુમના પ્લેટફોર્મ પર વાત કરતા પત્રકાર આદેશ રાવલે કહ્યું કે, અહિરવાલ વિસ્તારમાં ભાજપ પહેલાની જેમ ખૂબ જ મજબૂત છે. તેની પાછળનું કારણ રાવ ઈન્દ્રજીત સિંહ અને આ વખતે તેમની પુત્રી છે.

તેમણે વધુમાં કહ્યું કે, ભાજપ ફરીદાબાદ સંસદીય ક્ષેત્રમાં પણ પોતાની ઓળખ જાળવી રાખશે. બિનજાટ પટ્ટા જીટી રોડ પટ્ટાની જે ભાજપનો ગઢ કહેવાય છે. પાણીપત, કરનાલ, કુરુક્ષેત્ર, અંબાલા અને પંચકુલા જેવા વિસ્તારો આ પટ્ટામાં આવે છે.

અહીં કોંગ્રેસને મોટી સંખ્યામાં બેઠકો મળતી જોવા મળી રહી છે. કોંગ્રેસ સોનીપતમાં કેટલીક બેઠકો ગુમાવી શકે છે પરંતુ અન્ય વિસ્તારોમાં ફાયદો થશે.

English summary

Haryana Elections 2024: Is Haryana a losing ground for BJP? Know what the experts are saying?