iNCOVACC Bharat Biotechની પહેલી નેઝલ વેક્સિનની કિંમત જાહેર, જાણો ડોઝનો ભાવ
ભારતની પ્રથમ નેઝલ વેક્સિન iNCOVACC કોરોના રોગચાળાને રોકવા માટે છે. ભારત બાયોટેકની આ બૂસ્ટર રસીની કિંમત પ્રતિ ડોઝ 800 રૂપિયા નક્કી કરવામાં આવી છે.
iNCOVACC એ ભારતની પ્રથમ નેઝલ વેક્સિન છે. ભારત બાયોટેકે ભારતની પ્રથમ નેઝલ વેક્સિન અને બૂસ્ટર રસીની કિંમત 800 રૂપિયા પ્રતિ ડોઝ નક્કી કરી છે. રસીના બે ડોઝ 28 દિવસના અંતરાલ પર આપવાના હોય છે. કેન્દ્રીય આરોગ્ય મંત્રી ડૉ. મનસુખ માંડવિયા અને વિજ્ઞાન અને ટેકનોલોજી મંત્રી જિતેન્દ્ર સિંહે આજે વિશ્વની પ્રથમ કોવિડ-19 ઇન્ટ્રાનાસલ વેક્સીન, iNCOVACC લોન્ચ કરી હતી.
ભારત બાયોટેક દ્વારા વિકસિત કોરોના રસી સરકારને પ્રતિ ડોઝ 325 રૂપિયામાં ઉપલબ્ધ થશે. જ્યારે ખાનગી હોસ્પિટલો માટે 800 રૂપિયાનો ખર્ચ થશે. ડિસેમ્બર 2022 માં, રસી પ્રાથમિક રીતે બીજા ડોઝ અને બૂસ્ટર ડોઝ તરીકે મંજૂર કરવામાં આવી હતી, કંપની દ્વારા જારી કરવામાં આવેલા નિવેદનમાં જણાવાયું છે. અગાઉ સેન્ટ્રલ ડ્રગ્સ સ્ટાન્ડર્ડ કંટ્રોલ ઓર્ગેનાઇઝેશન (CDSCO) એ 18 વર્ષ અને તેથી વધુ વયના લોકો પર ઇન્ટ્રાનાસલ રસીના પ્રતિબંધિત ઉપયોગને મંજૂરી આપી હતી. જો કે, તેનો ઉપયોગ ફક્ત કટોકટીની પરિસ્થિતિઓમાં જ કરવાનો હતો.