Click it and Unblock the Notifications
Just In
-
-
-
-
Don't Miss
-
Free Fire Max OB44 Update થઈ લાઈવ, મળશે આ નવા ફીચર્સ અને રિવોર્ડ્સ -
#BlueWarrior બનો! ભારતના કોવિડ વૉરિયર્સની મદદ માટે જોશ એપના અભિયાનમાં ભાગ લો
UNHRCમાં ભારી બહુમતીથી ફરીથી ચૂંટાયું ભારત, છઠ્ઠી વખત સભ્ય બન્યું
UNHRCમાં ભારી બહુમતીથી ફરીથી ચૂંટાયું ભારત, છઠ્ઠી વખત સભ્ય બન્યું
ગુરુવારે ભારત સંયુક્ત રાષ્ટ્ર માનવાધિકાર પરિષદ (UNHRC)માં 2022-24 માટે ફરી એકવખત ચૂંટાયું છે. ભારત યૂએનએચઆરસીમાં છઠ્ઠી વખત ચૂંટાયું છે. જે બાદ ભારતે 'સમ્માન, સંવાદ અને સહયોગ' દ્વારા માનવાધિકારોની સુરક્ષા અને તેને પ્રોત્સાહિત કરવા માટે પોતાના કાર્યો જાહેર રાખવાની પ્રતિબદ્ધતા જતાવી. સભ્ય તરીકે પસંદગીની પ્રક્રિયામાં કુલ 193 મત પડ્યા હતા જેમાંથી સૌથી વધુ 184 મત ભારતને મળ્યા.
સંયુક્ત રાષ્ટ્રમાં ભારતના સ્થાયી મિશને ટ્વીટ કરી આ જાણકારી આપી છે. તેમણે લખ્યું, 'યૂએનએચઆરસી માટે ભારત છઠ્ઠી વખત બહુમતીથી ચૂંટાયું છે. ભારત પર પોતાનો વિશ્વાસ વ્યક્ત કરવા માટે સંયુક્ત રાષ્ટ્રના સભ્યોનો હાર્દિક આભાર.' તેમણે અન્ય એક ટ્વીટમાં કહ્યું કે, અમે સમ્માન, સંવાદ, સહયોગના માધ્યમથી માનવાધિકારોના સંવર્ધન અને સંરક્ષણ માટે કામ કરવાં ચાલુ રાખશું.
ચૂંટણી માટે ભારતના ઘોષણાપત્રમાં માનવાધિકારોના પ્રચાર અને સંરક્ષણ "સંવાદ, સહયોગ અને રચનાત્મક અને સહયોગાત્મક જોડાણ" દ્વારા સર્વોત્તમ રૂપે કરાયો હોવા પર ભાર આપવામાં આવ્યો હતો. સંયુક્ત રાષ્ટ્ર મહાસભાએ અર્જેંટીના, બેનિન, કેમરૂન, ઈરિટ્રિયા, ફિનલેંડ, જામ્બિયા, હોંડુરાસ, ભારત, કઝાકિસ્તાન, લિથુઆનિયા, લક્જમબર્ગ, મલેશિયા, મોંટેનેગ્રો, પરાગ્વે, કતાર, સોમાલિયા, સંયુક્ત અરબ અમીરાત અને અમેરિકાની પસંદગી ગુપ્ત મતદાન દ્વારા કરી.
ભારતનો વર્તમાન કાર્યાલય 31 ડિસેમ્બર 2021ના રોજ સમાપ્ત થનાર હતો. 2022-24ની ચૂંટણી માટે એશિયા- પ્રશાંત રાજ્યોની શ્રેણીમાં પાંચ ખાલી સીટ હતી- ભારત, કઝાકિસ્તાન, મલેશિયા, કતાર અને સંયુક્ત અરબ અમીરાત. ભારતના મિશને સંયુક્ત રાષ્ટ્રના અન્ય સભ્ય દેશોને માનવાધિકાર પરિષદ માટે તેમના ચૂંટાવ માટે શુભેચ્છા આપી, જેમાં 47 સભ્ય દેશ સામેલ છે જે મહાસભાના મોટાભાગના સભ્યો દ્વારા ગુપ્ત મતદાન દ્વારા સીધી અને વ્યક્તિગત રૂપે ચૂંટાય છે.
પરિષદના સભ્યો ત્રણ વર્ષની અવધિ માટે સેવા કરશે અને સતત બે કાર્યકાળો બાદ તત્કાળ પુનઃ ચૂંટણી માટે પાત્ર નહીં હોય. સભ્યતા સમાન ભૌગોલિક વિતરણ પર આધારિત હોય છે, અને સીટોને આફ્રીકી રાજ્યોના સમૂહ (13), એશિયા પ્રશાંત રાજ્યોના સમૂહ (13), પૂર્વી યૂરોપીય રાજ્યોના સમૂહ (6), લેટિન અમેરિકા અને કેરેબિયન રાજ્યોના સમૂહ (8) અને પશ્ચિમી યૂરોપીય અને અન્ય રાજ્યોના સમૂહ (7) વચ્ચે વિતરિત કરવામાં આવે છે.
સંયુક્ત રાષ્ટ્ર માનવાધિકાર પરિષદ (UNHRC)માં છઠ્ઠી વખત ચૂંટાવવું ભારત માટે ગર્વની વાત કહેવાય.
