કોંગ્રેસ શાસિત રાજ્યોમાં એલપીજી સિલિન્ડરની સંખ્યા 9 કરવામાં આવી

નવી દિલ્હી, 19 સપ્ટેમ્બર : કોંગ્રેસ પાર્ટીએ બુધવારે 19 સપ્ટેમ્બર, 2012ના રોજ લીધેલા એક મહત્વપૂર્ણ નિર્ણયમાં કોંગ્રેસ શાસિત રાજ્યોમાં એલપીજી સિલિન્ડરની સંખ્યા મર્યાદા વાર્ષિક ધોરણે 6થી વધારી 9 કરવાનો નિર્દેશ આપ્યો છે.

આ અંગે વાત કરતા એઆઇસીસીના મહાસચિવ જનાર્દન દ્વિવેદીએ જણાવ્યું કે 'કોંગ્રેસ શાસિત રાજ્યોને જણાવવામાં આવ્યું છે કે સબસિડીવાળા એલપીજી સિલિન્ડરની વાર્ષિક મર્યાદા 6થી વધારી 9 કરવામાં આવે.'

અન્ન અને નાગરિક પુરવઠા મંત્રી કે. વી. થોમસે મંગળવારે વડાપ્રધાનને પત્ર લખીને જણાવ્યું હતું કે કેન્દ્ર સરકારે રાહત દરે આપવામાં આવતા એલપીજી સિલિન્ડરની મર્યાદા વાર્ષિક 6 કરી છે તે મધ્યમવર્ગ માટે યોગ્ય નથી. આ સાથે તેમણે ભાવમાં તબક્કાવાર વધારો આપવાનો વિકલ્પ પણ દર્શાવ્યો હતો.

English summary

On Wednesday congress party directed its state governements to raise the cap on LPG cylinders from six to nine.