• search
For Quick Alerts
ALLOW NOTIFICATIONS  
For Daily Alerts
Oneindia App Download

લેફ્ટનન્ટ જનરલ અનિલ ચૌહાણ બન્યા દેશના નવા CDS, નિધન બાદ ખાલી હતુ પદ

|
Google Oneindia Gujarati News

કેન્દ્ર સરકારે લેફ્ટનન્ટ જનરલ અનિલ ચૌહાણ (નિવૃત્ત)ને CDS-ચીફ ઑફ ડિફેન્સ સ્ટાફ તરીકે નિયુક્ત કર્યા છે. વિપિન રાવતના નિધન બાદ આ પદ ખાલી થયું હતું. પૂર્વ કમાન્ડના જનરલ ઓફિસર કમાન્ડિંગ-ઇન-ચીફ લેફ્ટનન્ટ જનરલ અનિલ ચૌહાણ 40 વર્ષની શાનદાર કારકિર્દી બાદ આ વર્ષે મે મહિનામાં નિવૃત્ત થયા હતા.

દેશના પ્રથમ સીડીએસ બિપિન રાવતના હેલિકોપ્ટર અકસ્માતમાં મૃત્યુ બાદ છેલ્લા 10 મહિનાથી આ પદ ખાલી હતું. જે બાદ આજે કેન્દ્ર સરકારે લેફ્ટનન્ટ જનરલ અનિલ ચૌહાણને દેશના બીજા CDS તરીકે નિયુક્ત કર્યા છે. 40 વર્ષથી વધુની કારકિર્દીમાં, લેફ્ટનન્ટ જનરલ અનિલ ચૌહાણે અનેક કમાન્ડ, સ્ટાફ અને મહત્વપૂર્ણ હોદ્દાઓ સંભાળ્યા હતા. તેમની પાસે જમ્મુ અને કાશ્મીર અને ઉત્તર-પૂર્વ ભારતમાં બળવા વિરોધી કામગીરીનો બહોળો અનુભવ છે.

લેફ્ટનન્ટ જનરલ અનિલ ચૌહાણે 1 સપ્ટેમ્બર 2019ના રોજ ઈસ્ટર્ન કમાન્ડના ઓફિસર કમાન્ડિંગ-ઈન-ચીફ તરીકેનો કાર્યભાર સંભાળ્યો હતો. તેઓ ભારતીય સેનાના ડીજીએમઓ રહી ચૂક્યા છે. લેફ્ટનન્ટ જનરલ ચૌહાણે 1981 થી 2021 સુધી સેનામાં વિવિધ હોદ્દાઓ સંભાળ્યા હતા. તેમને પરમ વિશિષ્ઠ સેવા મેડલ, ઉત્તમ યુદ્ધ સેવા મેડલ, અતિ વિશિષ્ઠ સેવા મેડલ, સેના મેડલ, વિશિષ્ઠ સેવા મેડલ મળ્યા છે.

18 મે 1961ના રોજ જન્મેલા લેફ્ટનન્ટ જનરલ અનિલ ચૌહાણ 1981માં ભારતીય સેનાની 11 ગોરખા રાઈફલ્સમાં ભરતી થયા હતા. તેઓ નેશનલ ડિફેન્સ એકેડમી (NDA) ખડકવાસલા અને ઈન્ડિયન મિલિટ્રી એકેડમી, દેહરાદૂનના ભૂતપૂર્વ વિદ્યાર્થી છે. મેજર જનરલના રેન્કના અધિકારી અનિલ ચૌહાણે નોર્ધન કમાન્ડમાં મહત્ત્વના બારામુલા સેક્ટરમાં ઇન્ફન્ટ્રી ડિવિઝનની કમાન સંભાળી હતી.

કોણ બને છે સીડીએસ?

ચીફ ઓફ ડિફેન્સ ચાર સ્ટાર જનરલ છે. ચીફ ઓફ ડિફેન્સ સ્ટાફ ત્રણેય સેવાઓને લગતી બાબતોમાં મુખ્ય લશ્કરી સલાહકાર તરીકે કામ કરે છે. CDS ત્રણેય સેવાઓને લગતી બાબતોમાં સંરક્ષણ મંત્રાલયના સલાહકાર તરીકે કામ કરે છે, પરંતુ તે ત્રણેય દળોમાંથી કોઈના વડા નથી. CDS લશ્કરી બાબતોના વિભાગનું નેતૃત્વ કરે છે, જે સંરક્ષણ મંત્રાલય દ્વારા બનાવવામાં આવેલ એક નવો વિભાગ છે. CDS એ ભારતીય સશસ્ત્ર દળોના લશ્કરી વડા અને ભારતીય સશસ્ત્ર દળોના ચીફ ઓફ સ્ટાફ કમિટીના અધ્યક્ષ છે.

English summary
Lt Gen Anil Chauhan became the new CDS of the country
ઝડપી સમાચાર અપડેટ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
loader
X