દેવેન્દ્ર ફડણવીસે કહ્યુ, એમાં કોઈ શંકા નથી કે અમે ફરીથી સરકાર બનાવી રહ્યા છે
મહારાષ્ટ્ર વિધાનસભા ચૂંટણીના પરિણામો આવી જતા મહારાષ્ટ્રના મુખ્યમંત્રી દેવેન્દ્ર ફડણવીસે પ્રેસ કૉન્ફરન્સ કરીને જનતાનો આભાર માન્યો છે.
મહારાષ્ટ્ર વિધાનસભા ચૂંટણીમાં ભારતીય જનતા પાર્ટી અને શિવસેનાના ગઠબંધનને જનતાએ સ્વીકારીને પૂર્ણ બહુમત આપી દીધો છે. આ પ્રસંગે મહારાષ્ટ્રના મુખ્યમંત્રી દેવેન્દ્ર ફડણવીસે પ્રેસ કૉન્ફરન્સ કરીને જનતાનો આભાર માન્યો. સાથે જ ફડણવીસે દેશના પ્રધાનમંત્રી નરેન્દ્ર મોદી, ભાજપ અધ્યક્ષ અમિત શાહ અને શિવસેના પ્રમુખ ઉદ્ધવ ઠાકરેનો પણ ચૂંટણીમાં માગદર્શન અને સમર્થન માટે આભાર માન્યો છે.
મીડિયા સાથે વાત કરતા દેવેન્દ્ર ફડણવીસે કહ્યુ કે એમાં કોઈ શંકા નથી કે અમે ફરીથી સરકાર બનાવી રહ્યા છે. હું મહારાષ્ટ્રની જનતાને વિશ્વાસ અપાવુ છુ કે અમારી સરકાર તમારી બધી આશાઓ પર ખરી ઉતરશે અને અમે ગઈ વખતની વધુ સારુ કામ કરીશુ. દેવેન્દ્ર ફડણવીસે કહ્યુ કે મહારાષ્ટ્રમાં ભાજપના વોટશેરમાં 26 ટકાનો વધારો થયો છે.
દેવેન્દ્ર ફડણવીસે કહ્યુ કે જો મહારાષ્ટ્રમાં જીતનારી પાર્ટીના વોટશેર જોઈએ તો અમારા ગઠબંધનની સ્ટ્રાઈક રેટ સૌથી સારી રહી છે. તેમણે જણાવ્યુ કે આ ઉજવણી કરવાનો સમય છે નહિ કે વિશ્લેષણ કરવાનો. અમે ગઈ વખતે 260 સીટો પર લડાઈ લડી હતી અને આ વખતે 150 સીટો પર લડ્યા છે જેમાંથી 105 સીટો પર અમે જીત મેળવી છે, અમારી સ્ટ્રાઈક રેટ હવે 70 ટકા છે.
મહારાષ્ટ્ર વિધાનસભા ચૂંટણીના પરિણામો સામે આવતા સાથે જ શિવસેનાએ સહયોગી ભાજપને આંખો બતાવવાનુ શરૂ કરી દીધુ છે. શિવસેના સરકાર બનાવવાની ફોર્મ્યુલા 50-50 પર નક્કી કરવાના મૂડમાં જણાઈ રહી છે. વળી, ઠાકરે પરિવારના પહેલા ધારાસભ્ય આદિત્ય ઠાકરેની જીતથી ઠાકરે પરિવારને પહેલા ધારાસભ્ય મળ્યા છે. વર્લીથી આદિત્ય ઠાકરેએ જીત મેળવી છે.
Click it and Unblock the Notifications
Sign in with Google
