બુશ સરકારે મોદીને વિઝા આપ્યા નહી, અમે આપીશું: કેરી
અમેરિકા 2002ના ગુજરાત રમખાણોના લીધે એક દાયકાથી પણ વધુ સમય સુધી નરેન્દ્ર મોદીને વિઝા આપવાની મનાઇ કરતું રહ્યું છે, પરંતુ તાજેતરમાં જ નરેન્દ્ર મોદીના નેતૃત્વમાં ભાજપને લોકસભાની ચૂંટણીમાં મળેલી ભારે જીત બાદ અમેરિકાએ પોતાનું વલણ બદલવા પર મજબૂર થવું પડ્યું છે.
અમેરિકાના વલણમાં આ ફેરાફાર વિશે પૂછવામાં આવતાં જૉન કેરીએ કહ્યું, 'તે નિર્ણય અમારો ન હતો. જેવી રીતે ભારતમાં સરકારો બદલાઇ છે, એવી જ રીતે અમેરિકામાં પણ સરકારો બદલાય છે. અમે વડાપ્રધાન નરેન્દ્ર મોદીનું સ્વાગત કરીશું અને નિશ્વિતપણે વિઝા આપીશું.'
તેમણે કહ્યું કે તે નરેન્દ્ર મોદી અને બરાક ઓબામાની મુલાકાતનો આતુરતાપૂર્વક રાહ જોઇ રહ્યાં છે. જૉન કેરીએ કહ્યું 'અમે આગળ જઇ રહ્યાં છીએ અને હું મારો સમય રાજકારણ પાછળ ફાળવીને વ્યર્થ કરવા માંગતો નથી કે કોણે શું નિર્ણય લીધો. અમે વર્તમાન મુદ્દાઓના સમાધાન માટે કામ કરી રહ્યાં છીએ અને અમે અહીં ગત મુદ્દાઓને લઇને વાતો કરવા માટે આવ્યા નથી.'
Click it and Unblock the Notifications
Sign in with Google
