સુરક્ષાના મુદ્દે મોટા શહેરોમાં મહિલા બસ સેવા શરૂ કરવા પ્રસ્તાવ
મંત્રાલયે તમામ સિટી બસ સેવાઓ જેમ કે જેએનએનયુઆરએમ અને બિન જેએનએનયુઆરએમ બસોમાં શહેર બસના આયોજન અનુસાર ગુણવત્તાયુક્ત પરિવહન પ્રણાલી(આરટીએસ)ને અમલી બનાવવા માટે દરેક રાજ્યો સાથે ચર્ચા કરી તેમના મંતવ્યો મંગાવ્યા છે.
આ ઉપરાંત 3 પૈડાંવાળા વાહનો અને ટેક્સીઓમાં જીપીઆરએસ તથા જીપીએસ જેવા વૈજ્ઞાનિક અને આધુનિક ટેકનોલોજીવાળા સાધનો લગાવવાની સાથે સામાન્ય નિયંત્રણ કેન્દ્રની મદદથી વ્યવસ્થાપનના સંબંધમાં કાર્યવાહી શરૂ કરવાની ચર્ચા પણ રાજ્યો સાથે કરવામાં આવી છે જેથી આ પ્રણાલીને વધારે સારી અને સુગમ બનાવી શકાય, જેથી તે મહિલાઓની મુસાફરી માટે વધારે સુરક્ષિત બને.
જેએનએનયુઆરએમ અંતર્ગત વિવિધ શહેરોમાં શરૂ કરવામાં આવેલી બસોની ખરીદી શહેરી બસ વિનિર્દેશ અનુસાર કરાવમાં આવી હોવી જોઇએ. કેન્દ્ર સરકાર દ્વારા આપવામાં આવેલી વધારાની સહાયઆ પ્રણાલીઓને ખરીદવામાં અને મંત્રાલયને તેની સાથે જોડવામાં આવે તેવા નિર્દેશ છે.
શહેરી વિકાસ મંત્રાલયની આ પહેલ તાજેતરમાં દિલ્હી, મુંબઇ સહિત દેશના વિવિધ રાજ્યો અને શહેરોમાં મહિલાઓ સામે વધી રહેલા શારીરિક શોષણ અને બળાક્તારના કિસ્સાઓને ધ્યાનમાં રાખીને મહિલાઓને સુરક્ષિત મુસાફરી પ્રદાન કરવાના પ્રયાસના ભાગરૂપ છે.