Online Shopping: ઓર્ડર કર્યો આઇફોન 13 મળ્યો આઇફોન 14, જાણો પુરો મામલો

આજના સમયમાં ઓનલાઈન શોપિંગનું ચલણ ઘણું વધી ગયું છે. લોકો બહાર જવાને બદલે ઓનલાઇન ઘરે જ સામાન મંગાવી રહ્યા છે. તહેવારોની સિઝન ચાલી રહી છે. દરમિયાન, ત્યાં ઓનલાઇન પ્લોટફોર્મ પર ઘણા સેલ ચાલી રહ્યા છે. જો કે, ઓનલાઈન શોપિંગ જોખમ પણ એટલુ જ છે. તો પણ લોકો તેને ખૂબ પસંદ કરે છે. તાજેતરમાં, ભારતની સૌથી મોટી ઈ-કોમર્સ કંપની ફ્લિપકાર્ટ ફરી એકવાર ચર્ચામાં આવ્યુ છે. આ વખતે કોઈ ફરિયાદ વિશે નહીં, પરંતુ એક વ્યક્તિએ iPhone-13 ઓર્ડર કર્યો અને કંપનીએ તેને iPhone-14 મોકલ્યો હતો. આ પછી, ફ્લિપકાર્ટ વિશે ઘણી ચર્ચા થઈ છે.

બોક્સ ખોલતા જ ગ્રાહક થયો ખુશ

સોશિયલ મીડિયા પર એક ટ્વિટ ખૂબ વાયરલ થઈ રહ્યું છે. ટ્વિટ અનુસાર એક ગ્રાહકે Apple iPhone 13 128 GB ફોનનો ઓર્ડર આપ્યો હતો. પરંતુ જ્યારે ગ્રાહકે બોક્સ ખોલ્યું તો તેનું નસીબ ચમક્યું અને iPhone 13ને બદલે તેને iPhone 14 મળ્યો હતો.

ઓનલાઇન શોપિંગમાં છે જોખમ

તમને જણાવી દઈએ કે તહેવારોના સમયમાં લોકો ઘણી ખરીદી કરે છે. કેટલીકવાર આમાં ભૂલ હોય છે. પરંતુ ઘણીવાર ગ્રાહકો કંપની સામે ઓનલાઈન ફરિયાદ કરે છે. એવું ભાગ્યે જ બને છે કે કંપનીની ભૂલને કારણે ગ્રાહકનું નસીબ ચમકતું હોય. પણ આ વખતે પણ એવું જ થયું છે.

પહેલા ફરીયાદ કરતા હતા હવે..

ગ્રાહકોને સામાન્ય રીતે જે ઓર્ડર કરે છે તે મળતું નથી, ખામી વિશે ફરિયાદ કરે છે. આ માટે ગ્રાહકો સોશિયલ મીડિયાનો સહારો લે છે. પરંતુ અહીં એક ગ્રાહકનું ભાગ્ય ખુલતાં તેની સોશિયલ મીડિયા પર પણ ખૂબ ચર્ચા થવા લાગી છે. જ્યારે ફ્લિપકાર્ટે તેને Apple iPhone 13 ના 128 GB ની જગ્યાએ iPhone 14 આપ્યો, તો ફરિયાદના બદલામાં તેને ઘણી પ્રશંસા કરી છે.

ગ્રાહકની કિસ્મત ચમકી

ઈન્ટરનેટ પર ઘણા લોકોએ આ ઘટનાની તુલના લોટરી જીતનાર "નસીબદાર" સાથે કરી છે. અન્ય કેટલાક લોકોએ મજાકમાં સૂચન કર્યું કે આને પછીના iPhone મોડલ્સના દેખાવમાં સમાનતા સાથે વધુ સબંધ છે. એકે ટિપ્પણી કરી કે આઇફોન 13 અને 14 એટલા સમાન છે કે ફ્લિપકાર્ટે 14ને 13 સમજ્યો અને ગ્રાહકને મોકલી આપ્યો હતો.

યુઝર્સ લઇ રહ્યાં છે ચુટકી

અન્ય યુઝરે કટાક્ષ કર્યો કે ફ્લિપકાર્ટ પણ જાણે છેકે તે એ જ ફોન છે. ઈન્ટરનેટ યુઝર્સ સોશિયલ મીડિયા પર ખૂબ જ મજા લઈ રહ્યા છે. તે જ સમયે, ગ્રાહકો iPhone 13 ને બદલે iPhone 14 મેળવીને ખુશ છે. તહેવારોની સિઝનમાં તેનું નસીબ જાગી ગયું હોય તેવું લાગે છે.

One of my follower ordered iPhone 13 from Flipkart but he recieved iPhone 14 instead of 13 😂 pic.twitter.com/FDxi0H0szJ

— Ashwin Hegde (@DigitalSphereT) October 4, 2022

English summary

Online Shopping: Ordered iPhone 13 got iPhone 14