પટિયાલા હાઉસ કોર્ટનો નિર્ભયા કેસમાં મોટો ચુકાદો - દોષિતોનું ડેથ વોરંટ જારી, 22 જાન્યુઆરીએ ફાંસી
દિલ્હી ગેંગરેપ અને હત્યા કેસમાં નિર્ભયાના માતા-પિતાની અરજી પર આજે પટિયાલા હાઉસ કોર્ટમાં સુનાવણી હાથ ધરવામાં આવી હતી. આ સમય દરમિયાન દોષિતો તરફથી હાજર રહેલ વકીલે કોર્ટને કહ્યું કે તેઓ ક્યુરેટિવ અરજી દાખ
દિલ્હી ગેંગરેપ અને હત્યા કેસમાં નિર્ભયાના માતા-પિતાની અરજી પર આજે પટિયાલા હાઉસ કોર્ટમાં સુનાવણી હાથ ધરવામાં આવી હતી. આ સમય દરમિયાન દોષિતો તરફથી હાજર રહેલ વકીલે કોર્ટને કહ્યું કે તેઓ ક્યુરેટિવ અરજી દાખલ કરવાની તૈયારી કરી રહ્યા છે. જ્યારે નિર્ભયાના માતાપિતા વતી વકીલે ગુનેગારો સામે ડેથ વોરંટ ઇશ્યૂ કરવાની માંગ કરી હતી. નિર્ભયાની માતાએ અરજી દાખલ કરી છે કે, આરોપીઓને વહેલી તકે ફાંસી આપવામાં આવે.
આ અગાઉ દોષિત અક્ષયે વિડીયો કોન્ફરન્સિંગ દરમિયાન એક અખબારમાં પ્રકાશિત થયેલા અહેવાલને ટાંકીને કહ્યું હતું કે નિર્ભયાના દોષી સજા મોકૂફ રાખવા માટે કાવતરું રચી રહ્યા છે. તેમણે કહ્યું કે આ તમામ અહેવાલો ખોટા છે, કોઈ કાવતરું નથી. આ સમય દરમિયાન ન્યાયાધીશે દોષિતોને તેના વકીલ વિશે પૂછ્યું. અક્ષયે મીડિયા પર રિપોર્ટ લિક કરવાનો આરોપ પણ લગાવ્યો અને કહ્યું કે તેમના વિશે ખોટા અહેવાલો પ્રકાશિત થયા છે. આખા મામલા દરમિયાન કોર્ટરૂમની બહાર ભારે ભીડ જોવા મળી હતી.
અગાઉની સુનાવણી દરમિયાન કોર્ટે તિહાર જેલ પ્રશાસનને ચારેય દોષિતોને નવી નોટિસ પાઠવવા નિર્દેશ આપ્યો હતો. કોર્ટે કહ્યું હતું કે, તિહાર જેલ પ્રશાસને નિર્ભયાના દોષીઓને એક અઠવાડિયાનો સમય આપતા એક નોટિસ ફટકારી છે કે શું તેઓ દયાની અરજી દાખલ કરવા માંગે છે કે નહીં. સુનાવણી દરમિયાન, નિર્ભયાની માતા આરોપીઓને વધુ સમય આપવામાં આવે છે તે સાંભળીને કોર્ટ ફોર્મમાં રડવા લાગ્યા હતા.
2012 Delhi gang-rape case: Prosecutor urges the court to issue death warrants to convicts. Court informed by the lawyers of convicts that they are in the process of filing curative plea https://t.co/C245pc56g5
— ANI (@ANI) January 7, 2020
અગાઉ, દિલ્હી નિર્ભયા ગેંગરેપ અને મર્ડર કેસના ચાર દોષિતોમાંના એક પવન ગુપ્તાના પિતાની અરજી પટિયાલા હાઉસ કોર્ટે નામંજૂર કરી હતી. આ કેસમાં ફાંસીની સજા ભોગવી રહેલા પવનના પિતાએ તેમની અરજીમાં કહ્યું હતું કે આ કેસનો એકમાત્ર સાક્ષી વિશ્વાસપાત્ર નથી કારણ કે તેણે પૈસા લઇને ન્યૂઝ ચેનલને ઇન્ટરવ્યૂ આપ્યો હતો. આ પહેલા 20 ડિસેમ્બરે કોર્ટે પવનના પિતાની અરજી પર ચુકાદો અનામત રાખ્યો હતો.