કાશ્મીર ઘાટીના 3 મોસ્ટ વોન્ટેડ આતંકીઓની ફોટો જાહેર, જાણકારી આપનારને મળશે ઇનામ

કાશ્મીર ખીણમાં આતંકવાદીઓ વિરુદ્ધ સુરક્ષાદળોનું ઓપરેશન ચાલી રહ્યું છે. જે અંતર્ગત જમ્મુ-કાશ્મીર પોલીસે ત્રણ વોન્ટેડ આતંકીઓની યાદી જાહેર કરી છે. આ ત્રણ આતંકવાદીઓ કુલગામ, પુલવામા અને શ્રીનગરના રહેવાસી છે, જેઓ લાંબા સમયથી આતંકવાદી ગતિવિધિઓમાં સામેલ છે. તેમની માહિતી આપનારને ઈનામ પણ આપવામાં આવશે. અગાઉ એવી માહિતી મળી હતી કે સેનાએ 100 આતંકીઓની યાદી તૈયાર કરી છે.

જમ્મુ-કાશ્મીર પોલીસના જણાવ્યા અનુસાર જો કોઈને પણ આ આતંકવાદીઓ વિશે માહિતી મળે તો તેણે નજીકના પોલીસ સ્ટેશનમાં તેની જાણ કરવી જોઈએ. આ ઉપરાંત 9596770502, 9596770509, 9596770508, 9596770506, 9596770504, 9596770505, 01942311914 પર કોલ કરીને પણ માહિતી આપી શકાય છે. પોલીસ અધિકારીઓના જણાવ્યા અનુસાર, જે પણ આ આતંકવાદીઓ વિશે માહિતી આપશે, તેમની માહિતી સંપૂર્ણપણે ગુપ્ત રાખવામાં આવશે.

આ છે ત્રણ આતંકી

• બશીત અહેમદ ડાર ઉર્ફે કામરાન પુત્ર અબ્દુલ રશીદ ડાર નિવાસી રેડવાની પાઈન કુલગામ.
• આરીફ અહેમદ હજાર ઉર્ફે રેહાન બાહી પુત્ર ફારૂક અહેમદ હજાર નિવાસી વાગામ પુલવામા.
• મોમીન ગુલઝાર અમીર ઉર્ફે મોમીન પુત્ર ગુલઝાર અહેમદ મીર રહે ફિરદૌસ કોલોની અલી જાન રોડ ઇદગાહ શ્રીનગર.

આતંકવાદીઓ ઘૂસણખોરીનો પ્રયાસ કરી રહ્યા છે

સૂત્રોના જણાવ્યા અનુસાર, લશ્કર, અલ-બદરના આતંકવાદીઓ જમ્મુ-કાશ્મીરમાં ઘૂસણખોરી કરવાની યોજના બનાવી રહ્યા છે. હાલમાં, ઓછામાં ઓછા 7 લશ્કર અને 5 અલ બદર આતંકવાદીઓ PoK સ્થિત લોન્ચિંગ પેડ્સ પર તૈનાત છે. તેમનો પ્રયાસ અલગ-અલગ વિસ્તારોમાંથી કાશ્મીરમાં પ્રવેશવાનો છે. જો કે ઘૂસણખોરીને લઈને સુરક્ષા દળો સંપૂર્ણ એલર્ટ પર છે.

સક્રિય આતંકવાદીની ધરપકડ

જમ્મુ-કાશ્મીર પોલીસે ગુરુવારે લશ્કરના એક સક્રિય આતંકવાદીની ધરપકડ કરી હતી. તેના કબજામાંથી હથિયારો પણ મળી આવ્યા હતા. પોલીસ અધિકારીઓના જણાવ્યા અનુસાર સેના, CRPF અને પોલીસની ટીમે મળીને બડમાગના ચદૂરા વિસ્તારમાં સર્ચ ઓપરેશન હાથ ધર્યું હતું. તે દરમિયાન આ આતંકવાદીની ધરપકડ કરવામાં આવી હતી. જેની ઓળખ શોપિયાંના રહેવાસી જહાંગીર અહેમદ નાયકુ તરીકે થઈ છે.

English summary

Photo of 3 most wanted terrorists in Kashmir Valley released