• search
For Quick Alerts
ALLOW NOTIFICATIONS  
For Daily Alerts
Oneindia App Download

રોજગાર મેળામાં PM મોદી 71000 યુવાનોને આપશે ઓફર લેટર

|
Google Oneindia Gujarati News

વડાપ્રધાન નરેન્દ્ર મોદી તરફથી મંગળવારના રોજ એટલે કે 22 નવેમ્બરના રોજ સમગ્ર દેશમાં 45 સ્થળો પરથી 71000 લોકોને ઓફર લેટર એનાયત કરવામાં આવશે. આ ઓફર લેટર રોજગાર ભરતી અંતર્ગત પસંદગી પામેલા ઉમેદવારોને આપવામાં આવશે. આ અંગેની જાણકારી કર્મચારી મંત્રાલય તરફથી આપવામાં આવી છે. આ સાથે આ કાર્યક્રમમાં વડાપ્રધાન મોદી પોતાનું વક્તવ્ય પણ આપશે.

વડાપ્રધાન મોદીના આ કાર્યક્રમને રોજગાર સર્જનને સર્વોચ્ચ પ્રાથમિકતા આપવાની વડાપ્રધાન મોદીની પ્રતિબદ્ધતાને પૂર્ણ કરવાની દિશામાં એક મોટું પગલું માનવામાં આવી રહ્યું છે. ઉલ્લેખનીય છે કે, આ પહેલા ઓકટોબરમાં રોજગાર મેળા હેઠળ 75,000 નવનિયુક્ત લોકોને ઓફર લેટર્સ આપવામાં આવ્યા હતા.

આ બે રાજ્યોમાં કોઇને નહીં મળે ઓફર લેટર

ગુજરાત અને હિમાચલ પ્રદેશના નવા ભરતી થયેલા ઉમેદવારોને વડાપ્રધાન દ્વારા ઓફર લેટર આપવામાં આવશે નહીં. કારણ કે, ગુજરાત અને હિમાચલમાં ચૂંટણીના કારણે આચાર સંહિતા લાગુ છે. આવી સ્થિતિમાં જો ત્યાં ઓફર લેટરનું વિતરણ કરવામાં આવશે, તો આચાર સંહિતાના નિયમોનું ઉલ્લંઘન થશે. ઉલ્લેખનીય છે કે, ગુજરાતમાં 1 અને 5 ડિસેમ્બરના રોજ બે તબક્કામાં મતદાન થશે. જ્યારે હિમાચલમાં મતદાન પૂર્ણ થઇ ગયું છે. બંને રાજ્યોમાં 8મી ડિસેમ્બરના રોજ પરિણામ જાહેર થશે.

આ જગ્યાઓ પર રોજગાર મેળા અંતર્ગત ભરતી કરાશે

શિક્ષકો, વ્યાખ્યાતાઓ, નર્સો, નર્સિંગ ઓફિસરો, ડૉકટર્સ, ફાર્માસિસ્ટ, રેડિયોગ્રાફર, અન્ય ટેકનિકલ અને પેરામેડિકલ સ્ટાફની ભરતી હવે જોબ ફેર અંતર્ગત કરવામાં આવી રહી છે. આ ઉપરાંત રોજગાર મેળા અંતર્ગત અનેક સશસ્ત્ર દળોમાં નિમણૂકો પણ કરવામાં આવી રહી છે. ઉલ્લેખનીય છે કે, રોજગાર મેળામાં લોકોને અલગ-અલગ કંપનીઓમાં તેમની સંબંધિત લાયકાતના આધારે રોજગાર આપવામાં આવે છે.

English summary
PM Modi will give offer letters to 71000 youths in the job fair
ઝડપી સમાચાર અપડેટ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
loader
X