પીએમ મોદી અને રાહુલ ગાંધીએ દેશવાસીઓને આપી ઈદની શુભકામના

આજે દેશભરમાં ઈદ-એ-મિલાદ-ઉન-નબી ધામધૂમથી મનાવવામાં આવી રહ્યો છે.

Published: Friday, October 30, 2020, 9:37 [IST]

નવી દિલ્લીઃ આજે દેશભરમાં ઈદ-એ-મિલાદ-ઉન-નબી ધામધૂમથી મનાવવામાં આવી રહ્યો છે. આ ખાસ પ્રસંગે પ્રધાનમંત્રી નરેન્દ્ર મોદી સહિત ઘણા રાજનેતાઓએ દેશવાસીઓને શુભકામનાઓ આપી છે. પ્રધાનમંત્રી નરેન્દ્ર મોદીએ ટ્વિટ કરીને કહ્યુ કે, 'મિલાદ-ઉન-નબી'ની શુભકામનાઓ. આશા છે કે આ દિવસે કરુણા અને ભાઈચારો જળવાઈ રહે. બધા લોકો સ્વસ્થ અને પ્રસન્ન રહે. ઈદ મુબારક!' વળી, કોંગ્રેસ નેતા રાહુલ ગાંધીએ પોતાના ટ્વિટમાં કહ્યુ છે, 'ઈદ-એ-મિલાદ-ઉન-નબીના પ્રસંગે દયા અને ભાઈચારીની ભાવના બધાનુ માર્ગદર્શન કરે. દિલથી શુભકામના, ઈદ-એ-મિલાદ-ઉન-નબીના દિલથી મુબારકબાદ!'

સંરક્ષણ મંત્રી રાજનાથ સિંહે ટ્વિટ કરીને કહ્યુ છે, 'મિલાદ-ઉન-નબી પર શુભકામનાઓ. આ તહેવાર બધાે આપણા સમાજમાં સદભાવ અને સૌહાર્દના બંધનને મજબૂત કરવાની દિશામાં કામ કરવા માટે પ્રેરિત કરે.' તમને જણાવી દઈએ કે ઈદ-એ-મિલાદ-ઉન-નબીનો તહેવાર દર વર્ષે પેગમ્બર મોહમ્મદના જન્મ દિવસે મનાવવામાં આવે છે. આ દિવસે લોકોને અલ્લાહના અંતિમ પેગમ્બરની જીવની વિશે માહિતી આપવામાં આવે છે. ઉજવણીની શરૂઆત ઈસ્લામી કેલેન્ડરના ત્રીજા મહિને રબી અવ્વુલમાં થાય છે. આ દિવસે મુસ્લિમ સમાજના લોકો જલસા અને જૂલુસનુ પણ આયોજન કરે છે. તે પોતાના ઘરોને સજાવે છે અને કુરાનની ઈબાદત કરે છે.

આ દિવસે ગરીબોને દાન પણ આપવામાં આવે છે. આ ખાસ પ્રસંગે હૈદરાબાદમાં રેલી અને પરેડનુ આયોજન પણ થાય છે. આ વર્ષે કોરોના વાયરસ મહામારીના કારણે આ ઉજવણી પહેલાથી થોડી ફીકી છે. ઈદ મિલાદુન્નબી આ વર્ષે સાંજથી શરૂ થઈ રહ્યો અને અને આગલા દિવસે સાંજે ખતમ થશે. તેને બધા મુસ્લિમ દેશોમાં હર્ષોલ્લાસ સાથે મનાવવામાં આવે છે. જો કે ઈસ્લામમાં ઈદ-ઉલ-ફિતર અને ઈદ-ઉલ-અજહાને વિશેષ માનવામાં આવે છે.

Published On October 30, 2020