Pulwama Attack Update: અમે ભૂલીશું નહીં અને માફ પણ નહીં કરીયે: CRPF

જમ્મુ અને કાશ્મીરના અવંતીપુરામાં જૈશ-એ-મોહમ્મદના આતંકવાદીઓએ સીઆરપીએફના જવાનોને નિશાન બનાવ્યા અને જવાનોની બસ પર થયેલ ફિદાયીન હુમલામાં 42 જવાનો શહીદ થઈ ગયા. આ આતંકી હુમલામાં જે કારનો ઉપયોગ કરી આતંકીએ સીઆરપીએફની બસને ટક્કર મારી તે કારમાં 200 કિલો વિસ્ફોટક ભરેલ હતો. આ વિસ્ફોટ એટલો જબરદસ્ત હતો કે 5 કિલોમીટર સુધી અવાજ સંભળાયો હતો.

જૈશ-એ-મોહમ્મદના આતંકીઓએ સીઆરપીએફની બસ પર આત્મઘાતી હુમલાની જવાબદારી સ્વીકારી છે. પીએમ મોદીએ પુલવામામાં સીઆરપીએફના કાફલા પર થયેલ આતંકી હુમલાની આકરી નિંદા કરી છે. તેમણે ટ્વીટર પર કહ્યું કે આપણા બહાદુર જવાનોનું બલિદાન વ્યર્થ નહિ જાય. પીએમ મોદીએ જણાવ્યું કે પુલવામામાં હુમલાને જોતા સ્થિતિને લઈ મેં ગૃહમંત્રી રાજનાથ સિંહ અને અન્ય શીર્ષ અધિકારીઓ સાથે વાતચીત કરી છે.

English summary

Pulwama Terror Attack in Jammu and Kashmir Live Update