ભારત-રશિયા સંબંધોને નવી ઉંચાઇઓ પર લઇ જશે પુતિનની યાત્રા: મોદી

Updated: Thursday, December 11, 2014, 11:54 [IST]

નવી દિલ્હી, 11 ડિસેમ્બર: રશિયાના રાષ્ટ્રપતિ વ્લાદિમીર પુતિનના દિલ્હી પહોંચવા પર વડાપ્રધાન નરેન્દ્ર મોદીએ વિશ્વાસ વ્યક્ત કર્યો છે કે આ યાત્રા દ્વિપક્ષીય સંબંધોને નવી ઊંચાઇઓ પર લઇ જશે.

મોદીએ પુતિનની સાથે નજીકની રણનીતિક સંબંધો વિશેષ રીતે પરમાણુ ઊર્જા, હાઇડ્રોકાર્બન્સ અને રક્ષાના ક્ષેત્રોમાં થનારી વાતચીત પહેલા રશિયન ભાષામાં ટ્વિટ કર્યું, રાષ્ટ્રપતિ પુતિનનું ભારતમાં સ્વાગત કરતા પ્રસન્નતા થઇ રહી છે. તેમણે લખ્યું, સમય બદલાઇ ગયો છે, પરંતુ અમારી મિત્રતામાં કોઇ ફેરફાર નથી આવ્યો. હવે અમે આ સંબંધને આગળના સ્તર પર લઇ જવા માંગીએ છીએ અને આ યાત્રા એ દિશામાં એક પગલું છે.

પુતિને પોતાની યાત્રા પહેલા ભારતની સાથે પોતાના દેશના સંબંધોને 'વિશેષાધિકૃત રણનીતિક ભાગીદારી' ગણાવતા જણાવ્યું હતું કે વાર્તાના એજેંડામાં સૈન્ય અને ટેકનીકલી સહયોગની સાથે જ નવા પરમાણું યુનિટનું નિર્માણ છે. તેમણે જણાવ્યું કે રશિયા ભારતને એલએનજી નિર્યાત અને આર્ટિકમાં તેલ અને પ્રાકૃતિક ગેસ શોધમાં ઓએનજીસીને સામેલ કરવાનો ઇચ્છુક છે.

ભારતમાં ઉર્જાની ઊણપ છે અને આ અમેરિકા અને ચીન બાદ ત્રીજો સૌથી મોટો ઓઇલ આયાતક દેશ છે. ભારત રશિયામાં પ્રમુખ ગેસ અને તેલ શોધ પરિયોજનાઓમાં વધારે ભાગીદારીને પ્રયાસરત છે તથા બંને નેતાઓની વચ્ચે આ મુદ્દા પર ચર્ચા થવાની આશા છે. રશિયા વૈશ્વિક રીતે શ્રેષ્ઠ તેલ ઉત્પાદકોમાંથી એક છે અને તેની પાસે પ્રાકૃતિક ગેસના મોટા ભંડાર છે.

Времена изменились, а наша дружба – нет. Теперь мы хотим достичь следующего уровня нашего отношения. Этот визит – шаг в этом направлении.
— Narendra Modi (@narendramodi) December 10, 2014

પરમાણુ ઊર્જા ક્ષેત્રમાં રશિયા કુલ 20થી 24 પરમાણુ ઊર્જા ઉત્પાદન એકમો ભારતમાં સ્થાપિત કરવાની રજૂઆત કરી શકે છે જ્યારે પહેલા 14થી 16 પરમાણુ એકમોની સ્થાપના પર સહમતિ બની હતી. આની સાથે જ બંને પક્ષોની વચ્ચે સમગ્ર ઊર્જામાં સહયોગ માટે એક રૂપરેખા બની શકે છે.

રશિયન રાજદૂત અલેક્સાંદ્ર કદાકિને જણાવ્યું કે બંને દેશ કુડનકોલમ પરમાણુ-ઊર્જા પરિસરમાં પાંચથી છ એકમોના નિર્માણ પર વાતચીત શરૂ કરશે અને પુતિનની અત્રેની યાત્રા દરમિયાન બંને દેશોની વચ્ચે એકમ ત્રણ અને ચાર માટે એક ટેકનીકલી સમજૂતી પર હસ્તાક્ષર થઇ શકે છે.

રશિયા એક નવા રશિયન ડિઝાઇનનું પરમાણુ ઊર્જા એકમના નિર્માણ માટે એક સ્થળ ફાળવવા માટે ભારતના નિર્ણયની રાહ જોઇ રહ્યું છે અને આ મુદ્દો પણ વાતચીતમાં ઊઠી શકે છે.