Click it and Unblock the Notifications
Just In
-
-
-
-
Don't Miss
-
હવે ટ્વિટ કરવા માટે આ યુઝર્સે આપવા પડશે પૈસા, Elon Muskની જાહેરાત -
#BlueWarrior બનો! ભારતના કોવિડ વૉરિયર્સની મદદ માટે જોશ એપના અભિયાનમાં ભાગ લો
રેલવે ભરતીના હોબાળા પર રાહુલ ગાંધી - હું તમારી સાથે છું અને રહીશ, પરંતુ...
રેલવે ભરતી (RRB-NTPC)માં ગેરરીતિઓને કારણે બિહાર સહિત દેશના ઘણા જિલ્લાઓમાં વિદ્યાર્થીઓનો અસંતોષ વધી રહ્યો છે. બિહારના જહાનાબાદમાં જ્યાં વિદ્યાર્થીઓએ રેલ્વે ભરતીને લઈને તેમની માંગણીઓને લઈને ટ્રેન રોકી હતી.
નવી દિલ્હી : રેલવે ભરતી (RRB-NTPC)માં ગેરરીતિઓને કારણે બિહાર સહિત દેશના ઘણા જિલ્લાઓમાં વિદ્યાર્થીઓનો અસંતોષ વધી રહ્યો છે. બિહારના જહાનાબાદમાં જ્યાં વિદ્યાર્થીઓએ રેલ્વે ભરતીને લઈને તેમની માંગણીઓને લઈને ટ્રેન રોકી હતી, તો બીજી તરફ ગયામાં વિરોધ કરી રહેલા કેટલાક વિદ્યાર્થીઓએ ટ્રેનના કોચને પણ આગ લગાવી દીધી હતી.
વિદ્યાર્થીઓનો આક્ષેપ છે કે, પરીક્ષાના પરિણામમાં ઘણી ગેરરીતિઓ થઈ છે. દરેક ઉમેદવારની 4 અલગ-અલગ જગ્યાઓ માટે પસંદગી કરવામાં આવી છે. હવે તે ખાલી જગ્યા કેવી રીતે ભરવામાં આવશે? તે જ સમયે કોંગ્રેસના પૂર્વ અધ્યક્ષ રાહુલ ગાંધી પણ વિદ્યાર્થીઓ સાથે ઉભા જોવા મળી રહ્યા છે.
#Students, आप देश की व अपने परिवार की उम्मीद हैं।
— Rahul Gandhi (@RahulGandhi) January 26, 2022
भाजपा सरकार की नीतियों के ख़िलाफ़, सत्य के पक्ष में मैं आपके साथ हूँ और रहूँगा लेकिन हिंसा हमारा रास्ता नहीं है।
अहिंसक विरोध से स्वतंत्रता ले सकते हैं तो अपना अधिकार क्यों नहीं? #NoFear #NoViolence
રાહુલ ગાંધીએ બુધવારની સાંજે વિરોધ કરી રહેલા વિદ્યાર્થીઓના સમર્થનમાં ટ્વિટ કર્યું હતું. રાહુલ ગાંધીએ પોતાના ટ્વિટમાં ભાજપ પર નિશાન સાધતા લખ્યું કે, વિદ્યાર્થીઓ, તમે દેશ અને તમારા પરિવારની આશા છો. ભાજપ સરકારની નીતિઓ વિરુદ્ધ હું સત્યના પક્ષમાં છું અને તમારી સાથે રહીશ, પરંતુ હિંસા અમારો માર્ગ નથી. જો તમે અહિંસક વિરોધથી આઝાદી મેળવી શકાય છે, તો આપણા અધિકારો કેમ નહીં?
બીજી તરફ પૂર્વ-મધ્ય રેલવેના મુખ્ય જનસંપર્ક અધિકારી રાજેશ કુમારે જણાવ્યું હતું કે, RRB-NTPC (રેલવે)ના પરિણામો પછી વિદ્યાર્થીઓમાં અસંતોષ જોવા મળ્યો છે. રેલવે બોર્ડે વિદ્યાર્થીઓની સમસ્યાઓના નિરાકરણ માટે એક સમિતિની રચના કરી છે. હું વિદ્યાર્થીઓને વિનંતી કરું છું કે, તેઓ તેમના ઘરે જાય અને શાંતિ જાળવી રાખે.
વિદ્યાર્થીઓના પ્રદર્શન પર રેલવે મંત્રીનું નિવેદન
અહીં કેન્દ્રીય રેલવે મંત્રી અશ્વિની વૈષ્ણવે કહ્યું કે, હું મારા વિદ્યાર્થી મિત્રોને વિનંતી કરવા માંગુ છું કે, રેલવે આપણી સંપત્તિ છે, તમે તમારી જ સંપત્તિને સુરક્ષિત રાખો.
અમે તમારી બધી ફરિયાદો અને મુદ્દાઓ પર ગંભીરતાથી વિચાર કરીશું. કોઈપણ વિદ્યાર્થીએ કાયદો પોતાના હાથમાં ન લેવો જોઈએ. કેટલાક લોકો આનો ખોટો ફાયદો ઉઠાવી રહ્યા છે, હું તેમને વિનંતી કરીશ કે, વિદ્યાર્થીઓને ગેરમાર્ગે ન દોરો. આ વિદ્યાર્થીઓનો અને દેશનો મુદ્દો છે, આપણે તેને સંવેદનશીલતાથી લેવો જોઈએ.
