હિજાબ વિવાદ પર રાહુલ ગાંધીએ શેર કરી દીલ જીતનારી તસવીર, કહ્યું- એકતા જ આપણી તાકાત છે
કોંગ્રેસ નેતા રાહુલ ગાંધીએ દેશભરમાં ચાલી રહેલા હિજાબ વિવાદ પર પોતાની પ્રતિક્રિયા આપી છે. રાહુલ ગાંધીએ ડેક્કન હેરાલ્ડની એક તસવીર શેર કરી છે. તસ્વીર શેર કરતા રાહુલ ગાંધીએ લખ્યું, એક થઈને આપણે ઉભા છીએ, માય ઈન્ડિયા. રાહુલ ગા
કોંગ્રેસ નેતા રાહુલ ગાંધીએ દેશભરમાં ચાલી રહેલા હિજાબ વિવાદ પર પોતાની પ્રતિક્રિયા આપી છે. રાહુલ ગાંધીએ ડેક્કન હેરાલ્ડની એક તસવીર શેર કરી છે. તસ્વીર શેર કરતા રાહુલ ગાંધીએ લખ્યું, એક થઈને આપણે ઉભા છીએ, માય ઈન્ડિયા. રાહુલ ગાંધીએ શેર કરેલી તસવીરમાં જોઈ શકાય છે કે કેટલીક છોકરીઓ શાળાએ જઈ રહી છે. જેમાં ચાર યુવતીઓએ માસ્ક પહેર્યા છે જ્યારે એક યુવતીએ હિજાબ પહેર્યો છે. ચાર છોકરીઓની વચ્ચે હિજાબ પહેરેલી એક છોકરી ચાલી રહી છે. હિજાબ પહેરેલી છોકરીનો હાથ બાકીની છોકરીઓએ પકડ્યો છે.
તમને જણાવી દઈએ કે કર્ણાટકના ઉડુપી શહેરથી શરૂ થયેલો હિજાબ વિવાદ આખા દેશમાં ચર્ચાનો વિષય બન્યો છે. કર્ણાટક હાઈકોર્ટમાં આ કેસની સુનાવણી ચાલી રહી છે. કેસની સુનાવણી દરમિયાન કોર્ટે કહ્યું કે બંધારણ એ આપણી ભગવદ્ ગીતા છે, આ મામલે છેલ્લા ઘણા દિવસોથી સુનાવણી ચાલી રહી છે અને બંને પક્ષો આ મામલે પોતપોતાની દલીલો આપી રહ્યા છે. મુસ્લિમ વિદ્યાર્થિનીઓના વકીલ રવિ વર્મા વતી કહેવામાં આવ્યું છે કે વિવિધ ધર્મના લોકો ક્રોસ, લોકેટ, બંગડીઓ અને પાઘડી પહેરે છે. પરંતુ તેમના વિશે કોઈ પ્રશ્ન ઉભો થતો નથી. પરંતુ સરકારના આદેશમાં માત્ર હિજાબ પર જ સવાલ ઉઠાવવામાં આવ્યા છે. આ લોકોને શાળામાંથી બહાર મોકલવામાં આવતા નથી. કોલેજમાં કોલેજ ડેવલપમેન્ટ કમિટીની રચના લોકશાહીની હત્યા છે.
United we stand.
— Rahul Gandhi (@RahulGandhi) February 17, 2022
My India. pic.twitter.com/xUih16LVo7
એટલું જ નહીં રવિ કુમારે કહ્યું કે ધર્મના આધારે વિદ્યાર્થિનીઓ સાથે ભેદભાવ કરવામાં આવે છે. સરકાર દ્વારા આપવામાં આવેલા આદેશમાં ધાર્મિક પ્રતીકો વિશે કંઈ કહેવામાં આવ્યું નથી. હિજાબને લઈને જ સવાલ ઉઠાવવામાં આવ્યો છે. શું આ ફક્ત તેમના ધર્મના કારણે જ થાય છે? આ બંધારણની કલમ 15નું મૂળભૂત ઉલ્લંઘન છે. અમારું સાંભળવામાં આવતું નથી, આખરે અમને સીધી સજા કેમ કરવામાં આવે છે.
Click it and Unblock the Notifications
Sign in with Google
