Rain Forecast : દેશના આ રાજ્યોમાં 11 સપ્ટેમ્બર સુધી વરસાદની આગાહીi
હવામાન વિભાગે રાહતના સમાચાર આપ્યા છે. જે અંતર્ગત ગુરુવારથી ઘણા રાજ્યોમાં વરસાદી મોસમ શરૂ થશે, જે ગરમીથી રાહત આપે તેવી ધારણા છે. જો કે ઉત્તરાખંડમાં વરસાદ પહેલાથી જ ચાલુ છે. આ સ્થિતિમાં ત્યાં ઓરેન્જ એલર્ટ જારી કરવામાં આવ્યું છે. વરસાદના કારણે ઘણા હાઈવે પણ બંધ છે.
દિલ્હી-એનસીઆરમાં વરસાદ
હવામાન વિભાગ અનુસાર ગુરુવાર સાંજ સુધી દિલ્હી/એનસીઆરના વિસ્તારોમાં હળવો વરસાદ અથવા ઝરમર વરસાદની સંભાવના છે. તેમાં હિન્ડન એરફોર્સ સ્ટેશન, ગાઝિયાબાદ, ઇન્દિરાપુરમ, નોઇડા અને ગ્રેટર નોઇડાનો સમાવેશ થાય છે. ગુરુવારે સાંજે 4 વાગ્યાની આસપાસ દિલ્હીમાં તાપમાન 32 ડિગ્રી સેલ્સિયસથી ઉપર રહ્યું. આ સ્થિતિમાં લોકોને વરસાદથી રાહત મળે તેવી સંભાવના છે.
પહાડો પર શું સ્થિતી છે?
હવામાન વિભાગ અનુસાર, પહાડી રાજ્ય ઉત્તરાખંડના ઘણા વિસ્તારોમાં ગુરુવારથી ભારે વરસાદ ચાલુ છે, જે આગામી એક કે બે દિવસ સુધી ચાલુ રહી શકે છે. આ માટે ઓરેન્જ એલર્ટ જારી કરવામાં આવ્યું છે. બીજી બાજુ બદ્રીનાથ અને યમુનોત્રીમાં વરસાદના કારણે કાટમાળ આવ્યો છે. જેના કારણે તે રૂટ બંધ છે. આ સાથે વહીવટીતંત્રે લોકોને જરૂરી કામ વગર પર્વતોની યાત્રા ન કરવાની સલાહ આપી છે.
ઉત્તરપ્રદેશમાં વરસાદની સ્થિતી
યુપીમાં પણ ગરમી યથાવત છે. જો કે હવામાન વિભાગે એક સારા સમાચાર આપ્યા છે, જે અંતર્ગત 9 સપ્ટેમ્બરથી ઘણા વિસ્તારોમાં વરસાદ શરૂ થશે, જે 11 સપ્ટેમ્બર સુધી ચાલુ રહેશે. તાજેતરના અહેવાલ મુજબ, પશ્ચિમ યુપી, બાગપત, ગાઝિયાબાદ, રામપુર, મેરઠ, હાપુર, ખતૌલી અને અન્ય જિલ્લાઓમાં હળવાથી મધ્યમ વરસાદની સંભાવના છે. આ સિવાય શુક્રવારે કુશીનગર, મહારાજગંજ, સિદ્ધાર્થનગર, ગોંડા, બલરામપુર, લખીમપુર ખેરી, મથુરા, આગ્રા, ફિરોઝાબાદ, ઇટાવા, પીલીભીત અને બરેલી જિલ્લામાં વરસાદની સંભાવના છે.