Rajasthan Election 2023 : ચૂંટણી મેદાનમાં સાળી વિરૂદ્ધ જીજા અને દિયરે ભાભીની ટિકીટ કાપી
રાજનીતિમાં કહેવાય છે કે અહીં કોઈ કોઈનું નથી. હવે રાજસ્થાનની વિધાનસભા ચૂંટણીમાં આ વાત સાબિત થઈ રહી છે. અહીં ટિકીટો અપાયા બાદ પરિવારના લોકો જ એકબીજા સામે આવી ગયા છે.
રાજસ્થાન વિધાનસભા ચૂંટણીમાં સાળી સામે જીજા અને દિયર ભાભીની ટિકિટ કાપી રહ્યા છે. કેટલીક જગ્યાએ પત્ની પતિને પડકારી રહી છે. એક જગ્યાએ દિયરે પોતાની જ ભાભીની ટિકીટ કાપી છે.
ધોલપુર વિધાનસભા બેઠક માટે ભાજપે શિવચરણ કુશવાહાને ટિકિટ આપી છે તો કોંગ્રેસે શિવચરણની ભાભી શોભરાણી કુશવાહાને મેદાનમાં ઉતાર્યા છે. જીજા-શાળી એકબીજા સામે ચૂંટણી લડી રહ્યા છે.
રાજ્યસભાની ચૂંટણીમાં ક્રોસ વોટિંગના કારણે બીજેપીએ ધોલપુરના ધારાસભ્ય શોભરાણી કુશવાહાની હકાલપટ્ટી કરી હતી. રાજસ્થાન ચૂંટણીની તારીખોની જાહેરાત બાદ શોભારાણીએ કોંગ્રેસ સાથે હાથ મિલાવ્યા હતા.
રાજસ્થાન વિધાનસભા ચૂંટણી 2018માં શોભરાણી કુશવાહા બીજેપીની ટિકિટ પર ચૂંટણી જીત્યા હતા અને ધારાસભ્ય બન્યા હતા. શિવચરણ કુશવાહાએ કોંગ્રેસની ટિકિટ પર ચૂંટણી લડી હતી. હવે બંને પક્ષ બદલીને ચૂંટણી લડી રહ્યા છે.
જણાવી દઈએ કે, કોંગ્રેસે 19 ઉમેદવારોની ત્રીજી યાદી બહાર પાડી છે. આ યાદીમાં રાજેન્દ્ર ત્રિવેદીને સહદા વિધાનસભા બેઠક પરથી ટિકિટ આપવામાં આવી છે. અહીં સહદાના વર્તમાન ધારાસભ્ય ગાયત્રી ત્રિવેદીની ટિકિટ કપાઈ છે. ગાયત્રી અને રાજેન્દ્ર વચ્ચે દિયર-ભાભીનો સંબંધ છે. ભાભીની ટિકિટ કપાતમાં ચર્ચાનો વિષય બન્યો છે.
રાજસ્થાન વિધાનસભા ચૂંટણી 2023માં 25 નવેમ્બરે 200 બેઠકો પર એક જ તબક્કામાં મતદાન થશે. કોંગ્રેસે ત્રણ યાદીમાં 95 ઉમેદવારો જાહેર કર્યા છે, જ્યારે બીજેપીએ બે યાદી જાહેર કરી છે અને 124 ઉમેદવારોને મેદાનમાં ઉતાર્યા છે. મતગણતરી 3 ડિસેમ્બરે હાથ ધરાશે.
Click it and Unblock the Notifications
Sign in with Google
