Tamil Nadu Assembly Election 2026: ચુસ્ત સુરક્ષા વચ્ચે આજે મતદાન, શું સ્ટાલિન વાપસી કરશે? પરિણામ 4 મેના રોજ
તામિલનાડુ વિધાનસભા ચૂંટણી 2026 માટે આજે, 23 એપ્રિલ, 2026, ગુરુવારે રાજ્યની તમામ 234 બેઠકો પર એક જ તબક્કામાં સવારે 7:00 થી સાંજે 6:00 વાગ્યા સુધી મતદાન યોજાશે. ચૂંટણી પંચે શાંતિપૂર્ણ અને નિષ્પક્ષ મતદાન સુનિશ્ચિત કરવા કડક સુરક્ષા વ્યવસ્થા ગોઠવી છે, જેના પરિણામો 4 મેના રોજ જાહેર કરાશે.
કુલ 75,032 મતદાન મથકો પર 5.73 કરોડ મતદારો (જેમાં 2.93 કરોડ મહિલાઓ સહિત) 4023 ઉમેદવારોનું ભાવિ EVMમાં સીલ કરશે. શાંતિપૂર્ણ મતદાન સુનિશ્ચિત કરવા માટે પોલીસ સહિત 1.47 લાખ સુરક્ષાકર્મીઓ તૈનાત કરાયા છે. કુલ મથકો પૈકી 5,938 સંવેદનશીલ જાહેર કરાયા છે, જ્યાં વિશેષ નિરીક્ષણ રાખવામાં આવી રહ્યું છે, સાથે જ 514 વાહનોમાં સુરક્ષા દળો પેટ્રોલિંગ કરશે.
આ વિધાનસભા ચૂંટણીમાં મુખ્ય મુકાબલો શાસક DMK (દ્રવિડ મુનેત્ર કઝગમ)ના 'સેક્યુલર પ્રોગ્રેસિવ એલાયન્સ' અને વિરોધ પક્ષ AIADMK ગઠબંધન વચ્ચે છે. મુખ્યમંત્રી એમ.કે. સ્ટાલિન DMKની સત્તા જાળવી રાખવા પ્રયાસ કરી રહ્યા છે, જ્યારે એડાપ્પડી કે. પલાનીસ્વામીના નેતૃત્વ હેઠળનું AIADMK-NDA ગઠબંધન સત્તામાં વાપસીની આશા રાખી રહ્યું છે.
સુપરસ્ટાર વિજયની નવી પાર્ટી TVK (તમિલગા વેટ્ટરી કઝગમ) પ્રથમવાર ચૂંટણી મેદાનમાં છે, જે યુવાનોમાં ભારે ચર્ચાનો વિષય બની છે. સીમનની 'નામ તમિલર કચ્છી' (NTK) અને ભાજપ-નેતૃત્વવાળું ગઠબંધન પણ ઘણી બેઠકો પર અસર કરી રહ્યું છે.
ગત 2021ની વિધાનસભા ચૂંટણીમાં, DMK ગઠબંધને 159 બેઠકો જીતી હતી, જેમાં DMKને એકલાને 133 બેઠકો મળી હતી. AIADMKએ 66 બેઠકો મેળવી હતી. વર્તમાન મુખ્યમંત્રી એમ.કે. સ્ટાલિનની DMK એ આ વખતે પણ કોંગ્રેસ અને નાના સહયોગીઓ સાથે ગઠબંધન કર્યું છે.
ચૂંટણી પંચે મતદારો માટે મહત્વપૂર્ણ માર્ગદર્શિકા જાહેર કરી છે. મતદાન મથકમાં મોબાઈલ ફોન લઈ જવા પ્રતિબંધિત છે. વોટર આઈડી કાર્ડ (EPIC) ફરજિયાત છે. જો તે ન હોય તો, વૈકલ્પિક ઓળખપત્રો તરીકે આધાર કાર્ડ, પાન કાર્ડ, મનરેગા જોબ કાર્ડ, ફોટાવાળી બેંક/પોસ્ટ ઓફિસ પાસબુક અથવા ડ્રાઈવિંગ લાયસન્સ રજૂ કરી શકાય છે.
Click it and Unblock the Notifications
Sign in with Google
