જમ્મુ-કાશ્મીરઃ એક દિવસમાં બીજો આતંકી હુમલો, 2 આંતકી ઠાર
જમ્મુ-કાશ્મીરના પુલવામામાં ફરી એક વાર આતંકવાદીઓએ પોલીસ પર નિશાન સાધ્યું છે. રવિવારે બપોરે પુલવામાના પડમગોર ખાતે આતંકીઓએ ફરીથી પોલીસ દળ પર હુમલો કર્યો હતો.
જમ્મુ-કાશ્મીર ના પુલવામામાં ફરી એક વાર આતંકવાદીઓ એ પોલીસ પર નિશાન સાધ્યું છે. રવિવારે બપોરે પુલવામાના પડમગોર ખાતે આતંકીઓએ પોલીસ દળ પર હુમલો કર્યો હતો. જો કે, આતંકીઓ પોલીસ દળને નુકસાન પહોંચાડવામાં અસફળ રહ્યા હતા. આ હુમલામાં બે આંતકી ઠાર મરાયા હતા. હુમલા બાદ પોલીસે આ આખા વિસ્તારની ઘેરાબંધી કરી હતી.
Pulwama (J&K): Terrorists attacked police search party in Padgampora, 2 terrorists killed, area has been cordoned off. pic.twitter.com/cIDPL6vdvx
— ANI (@ANI_news) March 26, 2017
સવારે પણ કર્યો હતો હુમલો
આ પહેલા પણ જમ્મુ-કાશ્મીરમાં આતંકવાદીઓ પોલીસ દળને નિશાન બનાવી ચૂક્યા છે. આજે સવારે જ અત્યંત સુરક્ષિત મનાતા તવી પુલ વિસ્તારમાં ચાર સંદિગ્ધ આતંકવાદીઓએ પોલીસ કર્મચારી પણ હુમલો કર્યો હતો અને તેમની એકે-47 રાયફલ લઇ નાસી છૂટ્યા હતા.
જો કે, પોલીસે આ મામલે તુરંત કાર્યવાહી કરતાં ચારમાંથી એક આતંકવાદીની ધરપકડ કરી હતી. આ પકડાયેલા આતંકવાદીનું નામ મસૂલ અહમદ છે.