અર્થવ્યવસ્થા ધીમી પડી, બીજા ત્રિમાસિક ગાળામાં GDP 6.3 ટકા રહી
જુલાઈ-સપ્ટેમ્બર 2022-23ના સમયગાળા દરમયિાન ભારતની GDP 6.3 ટકા રહી છે. સરકારી આંકડા અનુસાર, દેશની અર્થવ્યવસ્થાનો ચાલુ નાણાકીય વર્ષ 2022-23 ના બીજા ક્વાર્ટરમાં જુલાઈ અને સપ્ટેમ્બર વચ્ચે 6.3 ટકાનો વૃદ્ધિ દર રહ્યો છે.
જુલાઈ-સપ્ટેમ્બર 2022-23ના સમયગાળા દરમયિાન ભારતની GDP 6.3 ટકા રહી છે. સરકારી આંકડા અનુસાર, દેશની અર્થવ્યવસ્થાનો ચાલુ નાણાકીય વર્ષ 2022-23 ના બીજા ક્વાર્ટરમાં જુલાઈ અને સપ્ટેમ્બર વચ્ચે 6.3 ટકાનો વૃદ્ધિ દર રહ્યો છે. નેશનલ સ્ટેટિસ્ટિક્સ ઓફિસ દ્વારા જાહેર કરવામાં આવેલ ડેટા પ્રથમ ક્વાર્ટર કરતા નીચો છે. જો કે તેને નિષ્ણાતો સંતોષકારક માને છે.
નવા આંકડા સામે આવ્યા છે ત્યારે ચાલુ નાણાકીય વર્ષના બીજા ક્વાર્ટરમાં જીડીપીમાં ઘટાડો થયો છે. જુલાઈ-સપ્ટેમ્બર ક્વાર્ટરમાં વિકાસ દર ધીમો પડ્યો છે. 2022-23ના પ્રથમ ત્રિમાસિક ગાળામાં વિકાસદર 13.5 ટકા હતો. હવે ભારતીય અર્થતંત્રની વૃદ્ધિ ધીમી પડી છે.
જ્યારે ગયા વર્ષે જુલાઈ-સપ્ટેમ્બર 2021-22 ક્વાર્ટરમાં જીડીપી વૃદ્ધિ દર 8.4 ટકા નોંધાયો હતો. જ્યારે 2020-21ના બીજા ક્વાર્ટરમાં જીડીપી -7.5 ટકા હતો. આ મહિને રિઝર્વ બેંક ઓફ ઈન્ડિયાના બુલેટિનમાં પ્રકાશિત થયેલા એક લેખમાં આ નાણાકીય વર્ષના બીજા ત્રિમાસિક ગાળામાં GDP વૃદ્ધિ દર 6.1 અને 6.3 ટકાની વચ્ચે રખાયો છે.