હાથરસ કેસને સુપ્રીમે ગણાવ્યો શોકીંગ, પરિવારની સુરક્ષાને લઇ યોગી સરકાર પાસે માંગ્યો જવાબ

આજે સુપ્રીમ કોર્ટમાં હાથરસ કેસની સુનાવણી થઈ. સુપ્રીમ કોર્ટે 19 વર્ષીય યાવતીના ગેંગરેપ અને ડેથ કેસનો આક્ષેપ આઘાતજનક કહ્યો છે. સુપ્રીમ કોર્ટના ચીફ જસ્ટિસ ઓફ ઈન્ડિયા (સીજેઆઈ) એસ.એ. બોબડેએ કહ્યું કે અમે આ મામલાની સુનાવણી કરી રહ્યા છીએ કારણ કે તે ખૂબ જ આઘાતજનક કેસ છે. સુપ્રીમ કોર્ટે સોલિસિટર જનરલ તુષાર મહેતાને કહ્યું હતું કે તમારે ઉત્તર પ્રદેશ સરકારને પૂછવું જોઈએ કે સાક્ષીઓના રક્ષણ માટે શું વ્યવસ્થા કરવામાં આવી રહી છે તે અમને જલ્દીથી કહો. તેમજ એફિડેવિટમાં પીડિતોની સલામતી વિશે સંપૂર્ણ માહિતી આપો.

સુપ્રીમ કોર્ટના ચીફ જસ્ટિસ એસ.એ. બોબડે, એ.એસ. બોપન્ના અને વી. રામસુબ્રમણ્યમની ખંડપીઠે આ કેસની સુનાવણી કરી હતી. સુપ્રીમ કોર્ટે આ કેસને આવતા અઠવાડિયા માટે મુલતવી રાખ્યો હતો. સીજેઆઈ એસ.એ.બોબડેએ કહ્યું કે કેસની ગંભીરતાને ધ્યાનમાં લઇને અમે અરજદારની અરજીની સુનાવણી કરવાનો નિર્ણય લીધો છે.

મુખ્ય ન્યાયાધીશ બોબડેએ કહ્યું કે, અમે પીડિત સરકાર અને સાક્ષીઓની સુરક્ષા, યુપી સરકારનું નિવેદન નોંધવા માંગીએ છીએ, તમે સોગંદનામું ફાઇલ કરો. આ અંગે જવાબ આપતા સોલિસીટર જનરલ તુષાર મહેતા યુપી સરકાર વતી હાજર થતાં જણાવ્યું હતું કે અમે બુધવાર સુધીમાં ફાઇલ કરીશું.

આ પણ વાંચો: હાથરસઃ સુપ્રીમ કોર્ટમાં સુનાવણી, યોગી સરકારે જણાવી અંતિમ સંસ્કારથી લઈને હુલ્લડ સુધીની વાત

English summary

The Supreme Court termed the Hathras case as shocking, seeking an answer from the Yogi government for the safety of the family