કાનપુરમાં ઝિકા વાયરસના 25 મામલા આવ્યા, 2 ગર્ભવતી મહિલાઓ પણ સંક્રમિત

ઉત્તર પ્રદેશના કાનપુરમાં ઝિકા વાયરસનો ચેપ વધી રહ્યો છે. શહેરમાં ઝીકા વાયરસના કેસોની સંખ્યા આજે 25 પર પહોંચી ગઈ છે. CMO ડૉ નેપાલ સિંહનું કહેવું છે કે ચિંતા કરવાની જરૂર નથી, સ્વાસ્થ્ય વિભાગની ટીમો અલગ-અલગ જગ્યાએ પહોંચીને કોન્ટેક્ટ ટ્રેસિંગનું કામ કરી રહી છે. સીએમઓ ડો. નેપાલ સિંહના જણાવ્યા અનુસાર, દરરોજ ઝીકા વાયરસના 300-400 નમૂનાઓનું પરીક્ષણ કરવામાં આવે છે. ગઈકાલ સુધી ઝિકા વાયરસના 11 કેસ હતા, આજે આ આંકડો વધીને 25 થઈ ગયો છે. અમે ટીમો રવાના કરી દીધી છે. કોઈએ ડરવાની જરૂર નથી. અત્યાર સુધીમાં 2 ગર્ભવતી મહિલાઓ ઝિકા વાયરસથી સંક્રમિત જોવા મળી છે.

મચ્છરો દ્વારા ફેલાય છે ઝિકા વાયરસ

ઝીકા વાયરસ એડીસ એજીપ્ટી નામના મચ્છરની પ્રજાતિના કરડવાથી ફેલાય છે. WHO અનુસાર, એડીસ મચ્છર સામાન્ય રીતે દિવસ દરમિયાન કરડે છે. આ એ જ મચ્છર છે જે ડેન્ગ્યુ અને ચિકનગુનિયા ફેલાવે છે. જોકે ઝીકા વાયરસનો ચેપ મોટાભાગના લોકો માટે ગંભીર સમસ્યા નથી, તે સગર્ભા સ્ત્રીઓ માટે, ખાસ કરીને ગર્ભ માટે જોખમી બની શકે છે.

ડેન્ગ્યુ કરતાં વધુ ઘાતક અને જીવલેણ

ઝીકા વાયરસના ઘણા લક્ષણો ડેન્ગ્યુ જેવા જ છે, પરંતુ તે વધુ ઘાતક અને જીવલેણ સાબિત થાય છે. તાવ, શરીર પર ચકામા અને સાંધાનો દુખાવો એ કેટલાક સામાન્ય લક્ષણો છે જે ઝિકા વાયરસથી સંક્રમિત વ્યક્તિમાં જોવા મળે છે.

English summary

There were 25 cases of Zika virus in Kanpur, 2 pregnant women were also infected