તૃણમૂલ સાંસદે કોંગ્રેસના મંત્રી દીપા દાસમુંશીને કહ્યા 'ડાન્સર'

કોલકાતા, 4 ફેબ્રુઆરી: પાર્ક સ્ટ્રીય ગેંગ રેપ પર વિવાદિત ભાષણ આપનાર તૃણમૂલ કોંગ્રેસની સાંસદ કાકોલી દાસ્તીદાર ફરી ચર્ચામાં આવી ગઇ છે. તેમણે કોંગ્રેસ સાંસદ અને કેન્દ્રીય મંત્રી દીપાદાસ મુંશીને લઇને વિવાદાસ્પદ ટિપ્પણી કરી દીધી છે. તેમણે દીપાદાસને આવેશમાં આવીને ડાન્સર કહી દીધા છે.

કાકોલીએ એક સાર્વજનિક સભાને સંબોધતા જણાવ્યું કે ડાન્સિંગ અને મેક અપથી તમે નેતા નહી બની શકો. તૃણમૂલ કોંગ્રેસની સાંસદે કેન્દ્રીય મંત્રીને પડકાર આપ્યો છે કે તે આગામી લોકસભા ચૂંટણીમાં તેમની પાર્ટીની બેઠકો 19થી 1 પર લાવીને બતાવે. દાસમુંશી ઘણા પ્રસંગે આવા દાવાઓ કરતી આવી છે. દાસ્તીદારે જણાવ્યું કે તે પશ્ચિમ બંગાલની મુખ્યમંત્રી મમતા બેનર્જી સામે લડવાનું ભૂલી જાય.

તેમણે જણાવ્યું કે હું પડકાર આપુ છું કે તે મારા મતવિસ્તારમાં આવે અને આવનાર લોકસભા ચૂંટણીમાં મને હરાવીને બતાવે. દાસમુંશીએ તૃણમૂલ સાંસદના નિવેદન પર કોઇ પણ પ્રતિક્રિયા આપવાનો ઇનકાર કરી દીધો છે. તેમણે જણાવ્યું કે હું આવા ભડકાઉ, ખરાબ અને સસ્તા નિવેદનો પર પ્રતિક્રિયા ના આપી શકું.

આ પ્રકારના નિવેદન પશ્ચિમ બંગાળની સંસ્કૃતિની વિરૂદ્ધ છે. જે કોંગ્રેસની સંસ્કૃતિ પણ નથી. બંગાળ કોંગ્રેસના પ્રમુખ પ્રદીપ ભટ્ટાચાર્યએ જણાવ્યું કે કાકોલી દાસ્તીદાર એટલા માટે દીપાદાસ મુંશીને નિશાનો બનાવી રહી છે કારણ કે તે બંગાળના કૂશાસનની સામે લડાઇ લડી રહી છે.

English summary

Trinamool Congress party MP Kakoli Ghosh Dastidar on Sunday compared Union minister of state Deepa Dasmunsi to a painted dancer, saying none can become a leader by just applying make-up.