15 વર્ષીય અપરિણીત માતાએ 40 દિવસના પુત્રની ગળું દબાવી કરી હત્યા, પ્રેમીની ઉંમર 17 વર્ષ
મધ્યપ્રદેશમાં એક વિચિત્ર કિસ્સો સામે આવ્યો છે, જેમાં એક પ્રેમ પ્રકરણ બાળકી, બળાત્કાર અને હત્યા સાથે જોડાયેલું છે. બાળકીને જુવેનાઈલ હોમમાં મોકલવામાં આવી છે.
દમોહ : મધ્યપ્રદેશમાં એક વિચિત્ર કિસ્સો સામે આવ્યો છે, જેમાં એક પ્રેમ પ્રકરણ બાળકી, બળાત્કાર અને હત્યા સાથે જોડાયેલું છે. બાળકીને જુવેનાઈલ હોમમાં મોકલવામાં આવી છે. મળતી માહિતી મુજબ દમોહના તેંડુખેડા ગામમાં રહેતા 17 વર્ષના યુવક અને 15 વર્ષની યુવતી વચ્ચે પ્રેમસંબંધ ચાલી રહ્યો હતો. આ દરમિયાન યુવકે યુવતી પર બળાત્કાર ગુજાર્યો હતો.
પોક્સો એક્ટ હેઠળ કેસ નોંધાયો
શરૂઆતમાં તો મામલો દબાયેલો રહ્યો, પરંતુ જ્યારે યુવતી ગર્ભવતી થઈ અને તેનામાં શારીરિક ફેરફારો થયા તો પરિવારજનોને પણ ખબર પડી ગઇ. 40 દિવસ પહેલાબાળકીએ બાળકને જન્મ આપ્યો હતો.
આવા સમયે પરિવારના સભ્યોએ આરોપી વિરુદ્ધ પોક્સો એક્ટ હેઠળ કેસ નોંધ્યો છે.
માતા અને બાળકની 20 દિવસથી વધુ સારવાર કરાઇ હતી
હવે બાળકી બાળકને લઈને હોસ્પિટલ પહોંચી અને પોતાની ખરાબ તબિયતનું બહાનું કાઢ્યું હતું. જે કારણે ડોક્ટર્સને તેના પર શંકા ગઈ હતી.
જે કારણે ડોક્ટર્સે પોલીસને જાણ કરી અનેબાળકના મૃતદેહનું પોસ્ટમોર્ટમ કરાવ્યું હતું. યુવતીએ પોલીસની સામે સત્ય સ્વીકાર્યું. જે બાદ પોલીસે સગીરાને બાળ સુધાર ગૃહમાં મોકલી આપી હતી.
ઉલ્લેખનીય છે કે,16 ઓક્ટોબરના રોજ છોકરીએ જિલ્લા હોસ્પિટલમાં બાળકને જન્મ આપ્યો હતો. અહીં માતા અને બાળકને 20 દિવસથી વધુ સમયથી દાખલ કરવામાં આવ્યા હતા.
પોલીસે બાળકીને બાળ સુધાર ગૃહમાં મોકલી આપી
મીડિયા સાથે વાત કરતા પોલીસે જણાવ્યું કે, સગીર બાળકી 10 નવેમ્બરની રાત્રે બાળકીને લઈને તેંદુખેડા હોસ્પિટલ પહોંચી હતી. તપાસમાં બાળકનું મોત થયું હોવાનુંબહાર આવ્યું હતું.
જે બાદ પોસ્ટમોર્ટમમાં વાસ્તવિકતા બહાર આવી કે, છોકરીએ પોતે જ તેના બાળકનું દોરડા વડે ગળું દબાવીને હત્યા કરી હતી.
પોલીસે તેની સામે કલમ 302 હેઠળ કેસનોંધ્યો અને તેને જુવેનાઈલ કોર્ટમાં રજૂ કરી હતી, જ્યાંથી પોલીસે સગીરાને જુવેનાઈલ હોમમાં મોકલી આપી છે.
Click it and Unblock the Notifications
Sign in with Google
