યુપી વિધાનસભા ચૂંટણી 2017: ચોથા તબક્કાનું મતદાન પૂર્ણ

ચોથા તબક્કામાં 680 ઉમેદવારો ચૂંટણીના મેદાનમાં છે, જેમાં મહિલા ઉમેદવારોની સંખ્યા 61 છે. ઇલાહાબાદ ઉત્તરની વિધાનસભા સીટ માટે સૌથી વધુ 26 ઉમેદવારો વચ્ચે હરીફાઇ છે.

ઉત્તર પ્રદેશ વિધાનસભા ચૂંટણી ના ચોથા તબક્કાનું મતદાન આખરે સમાપ્ત થયું છે. સવારે 7 વાગે શરૂ થયેલું મતદાન સાંજે 5 વાગ્યા સુધી ચાલ્યું હતું. ચોથા તબક્કામાં ઉત્તર પ્રદેશના 12 જિલ્લાઓની 53 વિધાનસભા સીટો પર મતદારોએ મત નાંખ્યા છે.

ચોથા તબક્કામાં 680 ઉમેદવારો ચૂંટણીના મેદાનમાં છે, જેમાં મહિલા ઉમેદવારોની સંખ્યા 61 છે. ઇલાહાબાદ ઉત્તરની વિધાનસભા સીટ માટે સૌથી વધુ 26 ઉમેદવારો વચ્ચે હરીફાઇ છે.

ચૂંટણી પંચ અનુસાર ચોથા તબક્કામાં મતદાન કેન્દ્રોની સંખ્યા 12 હજાર 492 છે. આ માટે 2090 માઇક્રો ઑબ્ઝર્વર, 1643 સેક્ટર મેજિસ્ટ્રેટ, 222 ઝોનલ મેજિસ્ટ્રેટ અને 318 સ્ટેટિક મેજિસ્ટ્રેટ તૈનાત કરવામાં આવ્યા હતા. ચોથા તબક્કા માટે કુલ 1 કરોડ 84 લાખ 82 હજાર 166 મતદારોનું નામ સૂચિમાં હતું.

બપોરે 3 વાગ્યા સુધી ઉત્તર પ્રદેશના વિવિધ શહેરોમાં કેટલું મતદાન થયું?

ઇલાહાબાદ - 45.89%
પ્રતાપગઢ - 51.2%
રાયબરેલી - 52.88%
કૌશાંબી - 51%
ચિત્રકૂટ - 54%
ફતેહપુર - 49.47%
લલિતપુર - 57.55%
હમીરપુર - 53.02%
બાંદા - 49.95%
ઝાંસી - 54.6%
મહોબા - 55.7%

English summary

up Election 2017: voting for fourth phase assembly election in 53 seats.