હાથરસઃ 19 વર્ષની ગેંગરેપ પીડિતાનુ એઈમ્સમાં ઈલાજ દરમિયાન મોત
ઉત્તર પ્રદેશના હાથરસમાં ગેંગરેપ પીડિતા દલિત યુવતીની હાલતમાં કોઈ સુધારો ન થવા પર સોમવારે તેને એઈમ્સમાં ભરતી કરવામાં આવી હતી જ્યાં મંગળવારે સવારે તેણે દમ તોડી દીધો.
અલીગઢઃ ઉત્તર પ્રદેશના હાથરસમાં ગેંગરેપ પીડિતા દલિત યુવતીની હાલતમાં કોઈ સુધારો ન થવા પર સોમવારે તેને એઈમ્સમાં ભરતી કરવામાં આવી હતી જ્યાં મંગળવારે સવારે તેણે દમ તોડી દીધો. તમને જણાવી દઈએ કે હાથરસના એક ગામમાં દબંગોએ દલિત યુવતી સાથે ગેંગરેપ કર્યા બાદ તેની જીભ કાપી નાખી હતી. આ કેસમાં પોલિસે ચાર યુવકોની ધરપકડ કરી છે. ઘટનાને 14 સપ્ટેમ્બરે અંજામ આપવામાં આવ્યો હતો. પીડિતાના પિતાએ કહ્યુ કે દબંગોએ દીકરીની કરોડરજ્જુ તોડી નાખી હતી જેના કારણે તેના અડધા શરીરે કામ કરવાનુ બંધ કરી દીધુ હતુ અને ડૉક્ટરોએ પણ યુવતીની હાલત અત્યંત નાજુક ગણાવી હતી.
દબંગોએ ખેતરમાં કર્યો હતો કિશોરી સાથે ગેંગરેપ
વાસ્તવમાં હાથરસના ચંદપા પોલિસ સ્ટેશન વિસ્તારમાં બુલગઢી ગામમાં પોતાની મા સાથે ખેતરે ચારો લેવા ગયેલી યુવતી સાથે ગામના જ દબંગોએ પહેલા ગેંગરેપ કર્યો. ત્યારબાદ તેની જીભ કાપી દીધી. યુવતીની ચીસાચીસથી સ્થળ પર ગ્રામીણોને આવતા જોઈ દબંગો ત્યાંથી ભાગી ગયા. સૂચના મળતા જ પહોંચેલી પોલિસે ગંભીર રીતે ઘાયલ યુવતીને અલીગઢની મેડિકલ કૉલેજમાં ભરતી કરાવી હતી.
ગામમાં પીએસી, પોલિસ ફોર્સ તૈનાત
પીડિતાના પરિવારજનોએ આરોપ લગાવ્યો હતો કે ગામમાં ઠાકોર જાતિના દબંગ લોકોએ ઉન્નાવ જેવી ઘટનાનુ પુનરાવર્તન કરવાની વાત કરીને જાનથી મારવાની ધમકી આપી છે. ત્યારબાદ ગામની અંદર પીએસી તૈનાત કરી દેવામાં આવી છે. ભારે સંખ્યામાં પોલિસ ફોર્સ તૈનાત છે. હાથરસના એસપી વિક્રાંત વીરે જણાવ્યુ કે આ કેસમાં ચારે આરોપીઓની ધરપકડ કરી લેવામાં આવી છે.
શાકભાજી વેચી રહ્યા છે 'બાલિકા વધુ' સીરિયલના ડાયરેક્ટર