ભારતીય સૈનિકોના સર કલમ કરવાનો વીડિયો નેટ પર વહેતો થયો

Posted By:
Subscribe to Oneindia News

નઇ દિલ્હી, 10 જાન્યુઆરી: પાકિસ્તાનના આતંકવાદીઓએ ગયા વર્ષે ભારતના પુંછ સરહદમાં દાખલ થઇને લાંસ નાયક હેમરાજ અને સુધાકર સિંહની હત્યા કરી દીધી હતી અને બાદમાં હેમરાજનું માથું કાપીને લઇ ગયા હતા. હવે તેનો વીડિયો ઇન્ટરનેટ પર વહેતો કરાયો છે. જેમાં એક વ્યક્તિ માથું પકડીને ઊભો છે. અનુમાન લગાવવામાં આવી રહ્યું છે કે આ માથું હેમરાજનું જ છે. આ વીડિયોના સાઇટ પર આવી જવાથી ભારતની જનતામાં પાકિસ્તાન સામે જોરદાર આક્રોશ છે. જોકે હજી સુધી તેની તપાસ થઇ શકી નથી કે આ વીડિયો કોણે અપલોડ કર્યો છે.

આની પર પ્રતિક્રિયા આપતા સૂચના અને પ્રસારણ મંત્રી મનીષ તિવારીએ જણાવ્યું કે આ વીડિયોની સત્યતા જાણ્યા બાદ જ કઇ કહી શકાશે. તિવારી અનુસાર વીડિયોની સત્યતા સામે આવ્યા બાદ રક્ષા મંત્રાલય આની પર પ્રતિક્રિયા ચોક્કસ આપશે. જોકે સેના હેડક્વાર્ટરે હજી આની પર કોઇ ટિપ્પણી આપી નથી.

hemraj
વીડિયોમાં હેમરાજનું માથું પકડીને એક વ્યક્તિ ઉભેલો દેખાય છે તેની પાસે ટોર્ચ અને ભારતીય મુદ્રા સહિત કેટલોક સામાન પણ જોવા મળે છે. આ ઘટના 8 જાન્યુઆરી 2013ની છે જ્યારે ભારતીય સરહદમાં ઘુસેલા પાકિસ્તાની બીએસએફ અને આતંકવાદીઓએ ભારતીય જવાનોના માથા કાપી દીધા હતા અને હેમરાજનું માથું પોતાની સાથે લઇને જતા રહ્યા હતા.

આ ઘટના બાદ આખા દેશની જનતામાં ભારે રોષ જોવા મળ્યો હતો. એવી પણ સંભાવના તોળાઇ રહી છે કે કોઇએ માત્ર આતંક ફેલાવવા માટે આ પ્રકારનો વીડિયો જાહેર કર્યો છે.

English summary
A video on social media and TV channels purportedly showing a person carrying a head with suggestions that it was that of Lance Naik Hemraj, who was beheaded by Pakistan terrorists.

For Breaking News from Gujarati Oneindia
Get instant news updates throughout the day.