'ધ કાશ્મીર ફાઇલ્સ' બનાવનાર વિવેક અગ્નિહોત્રીને કેન્દ્ર સરકારે Y શ્રેણીની સુરક્ષા આપી!
'ધ કાશ્મીર ફાઇલ્સ'ના ડાયરેક્ટર વિવેક અગ્નિહોત્રીને કેન્દ્ર સરકારે Y શ્રેણીની સુરક્ષા પૂરી પાડી છે.
નવી દિલ્હી, 18 માર્ચ : 'ધ કાશ્મીર ફાઇલ્સ'ના ડાયરેક્ટર વિવેક અગ્નિહોત્રીને કેન્દ્ર સરકારે Y શ્રેણીની સુરક્ષા પૂરી પાડી છે. સૂત્રોને ટાંકીને માહિતી મળી રહી છે કે તેણે કાશ્મીરી પંડિતો પર બનાવેલી ફિલ્મના વિરોધને ધ્યાનમાં રાખીને તેના પર આતંકવાદી હુમલાનો પણ ખતરો છે, તેથી સરકારે તેને સમગ્ર દેશમાં CRPF કવર સાથે Y શ્રેણીની સુરક્ષા પ્રદાન કરી છે.
તમને જણાવી દઈએ કે વિવેક અગ્નિહોત્રીને વાય કેટેગરીની સુરક્ષા હેઠળ આઠ અધિકારીઓનું સુરક્ષા કવચ આપવામાં આવશે, જેમાં 2 કમાન્ડો અને અન્ય પોલીસકર્મીઓ હોવાની શક્યતા છે. તમને જણાવી દઈએ કે કાશ્મીર ફાઇલ્સ ફિલ્મ કાશ્મીરી પંડિતો પર બની છે. આ ફિલ્મમાં 1990ની ઘટના દર્શાવવામાં આવી છે, જ્યાં કાશ્મીરી પંડિતોને ડરાવી-ધમકાવીને ઘાટીમાંથી ભગાડી દેવામાં આવ્યા હતા અને 200થી વધુ કાશ્મીરી પંડિતોને મોતને ઘાટ ઉતારી દેવામાં આવ્યા હતા. આતંકવાદીઓએ આ હત્યાકાંડને અંજામ આપ્યો હતો. આ ફિલ્મમાં અનુપમ ખેર, પલ્લવી જોશી, મિથુન ચક્રવર્તી અને દર્શન કુમાર મુખ્ય ભૂમિકામાં છે.
આ ફિલ્મને લઈને દેશમાં જોરદાર ચર્ચા ચાલી રહી છે4. અત્યાર સુધી ઘણી મોટી હસ્તીઓએ આ ફિલ્મનું સમર્થન કર્યું છે, જ્યારે ઘણા કલાકારો અને રાજનેતાઓએ આ ફિલ્મનો વિરોધ કર્યો છે. પીએમ મોદી સહિત ભાજપના ઘણા મોટા નેતાઓ આ ફિલ્મના સમર્થનમાં છે.
Click it and Unblock the Notifications
Sign in with Google
