Video: પ્રેક્ટિસ દરમિયાન એકબીજા સાથે અથડાયા સૂર્યકિરણ એરક્રાફ્ટ
બેંગ્લોરમાં ચાલી રહેલી એરો ઇન્ડિયા 2019 દરમિયાન એક મોટી દુર્ઘટના થઇ છે. સૂર્યકિરણ એરોબેટિક્સ ટીમના બે એરક્રાફ્ટ એકબીજા સાથે અથડાયા છે
બેંગ્લોરમાં ચાલી રહેલી એરો ઇન્ડિયા 2019 દરમિયાન એક મોટી દુર્ઘટના થઇ છે. સૂર્યકિરણ એરોબેટિક્સ ટીમના બે એરક્રાફ્ટ એકબીજા સાથે અથડાયા છે. આ દુર્ઘટનામાં એક પાયલોટ શહીદ થયાની માહિતી પણ આવી રહી છે. આ ઘટના કેમ થઇ તેના વિશે કઈ પણ કહી શકાય તેમ નથી. હાલમાં આ મામલે તપાસ કરવામાં આવી રહી છે. આ દુર્ઘટનામાં હજુ વધારે જાણકારીની રાહ જોવાઈ રહી છે. 1 ફેબ્રુઆરીએ બેંગ્લોરમાં જ ઇન્ડિયન એરફોર્સનું ફાઈટર જેટ મિરાજ 2000 ક્રેશ થયું હતું અને આ ઘટનામાં બે પાયલોટ પણ શહીદ થયા હતા.
આ દુર્ઘટનાનો વીડિયો ખુબ જ ડરામણો છે. આ વીડિયો જોઈને તેની ભયાવહતા વિશે અંદાઝો લગાવી શકાય છે. આ ઘટના ત્યારે થઇ જયારે એરો ઇન્ડિયાની પ્રેક્ટિસ કરવામાં આવી રહી હતી. બેંગ્લોર પોલીસ ઘ્વારા આપવામાં આવેલી જાણકારી અનુસાર આ ઘટનામાં એક સામાન્ય માણસને પણ ઇજા પહોંચી છે. પહેલા એવી ખબર આવી હતી કે પાયલોટ સુરક્ષિત બહાર નીકળવામાં સફળ રહ્યો હતો.
#WATCH Two aircraft of Surya Kiran Aerobatics Team crashed today at Yelahanka airbase in Bengaluru, during rehearsal for #AeroIndia2019. One civilian hurt. Both pilots ejected, the debris has fallen near ISRO layout, Yelahanka new town area. #Karnataka pic.twitter.com/gJHWx6OtSm
— ANI (@ANI) February 19, 2019