અદાણી પર તપાસ કેમ નથી કરાવી રહ્યાં પીએમ મોદી?: રાહુલ ગાંધી
હિંડનબર્ગના રિપોર્ટ બાદ OCCRP એ અદાણી ગ્રુપ પર રિપોર્ટ જાહેર કર્યો છે. જેમાં ગંભીર આક્ષેપો કરવામાં આવ્યા છે. આ પછી રાહુલ ગાંધીએ પ્રેસ કોન્ફરન્સમાં પીએમ મોદી પર નિશાન સાધ્યું.
તેમણે કહ્યું કે પૈસા દેશની બહાર મોકલવામાં આવી રહ્યા છે. આ પૈસા કોના છે, અદાણીના કે બીજાના? જેના પૈસા દેશની બહાર મોકલવામાં આવી રહ્યા છે. તેમણે કહ્યું કે દેશમાં પારદર્શિતા હોવી પણ જરૂરી છે.
રાહુલ ગાંધીએ કહ્યું કે G-20ની બેઠક દેશ માટે ખૂબ જ મહત્વપૂર્ણ છે. પરંતુ અદાણી પરના ઘટસ્ફોટથી દેશની છબીને અસર થઈ છે. અદાણી પર કેટલાક એવા ખુલાસાઓ થયા છે, જે દર્શાવે છે કે કંઈક ખોટું થયું છે. જે વ્યક્તિ પર આરોપો લગાવવામાં આવ્યા છે તે પીએમ મોદીની નજીક છે.
અદાણી ગ્રૂપના વિવાદ પર કોંગ્રેસના સાંસદ રાહુલ ગાંધીએ કહ્યું કે હવે G20નો સમય છે અને તે વિશ્વમાં ભારતની સ્થિતિ વિશે છે. ભારત જેવા દેશ માટે આપણી આર્થિક સ્થિતિ અને અહીં ચાલતા વ્યવસાયોમાં પારદર્શિતા હોવી ખૂબ જ મહત્વપૂર્ણ છે.
આજે સવારે બે વૈશ્વિક નાણાકીય અખબારોએ એક ખૂબ જ મહત્વપૂર્ણ પ્રશ્ન ઉઠાવ્યો. આ રેન્ડમ અખબારો નથી. આ અખબારો ભારતમાં રોકાણ અને બાકીના વિશ્વમાં ભારત વિશેની ધારણાને પ્રભાવિત કરે છે.
પહેલો સવાલ ઉઠાવતા રાહુલ ગાંધીએ કહ્યું કે આ પૈસા કોના છે? આ પૈસા અદાણીના છે કે બીજાના? આ પાછળનો માસ્ટરમાઇન્ડ વિનોદ અદાણી નામનો એક સજ્જન છે જે ગૌતમ અદાણીનો ભાઈ છે. પૈસાની આ ગેરરીતિમાં અન્ય બે લોકો પણ સામેલ છે. એક નાસિર અલી શાબાન અહલી નામના સજ્જન અને બીજા ચાંગ ચુંગ લિંગ નામના ચીની સજ્જન છે.
બીજો પ્રશ્ન એ હતો કે શા માટે આ બે વિદેશી નાગરિકોને લગભગ તમામ ભારતીય ઈન્ફ્રાસ્ટ્રક્ચરને નિયંત્રિત કરતી કંપનીઓમાંથી એકના મૂલ્યાંકન સાથે રમવાની મંજૂરી આપવામાં આવી હતી.
Click it and Unblock the Notifications
Sign in with Google
