BPCLએ કંડલામાં ઓઈલ ચોરીની ફરિયાદ નોંધાઇ

ઘટનાના એક અઠવાડિયા પછી, ભારત પેટ્રોલિયમ કોર્પોરેશન લિમિટેડ (BPCL) એ દીનદયાળ બંદર કંડલા પાસે તેની પાઇપલાઇનમાંથી રૂપિયા 63,000 ની કિંમતનું 700 લીટર હાઇ સ્પીડ ડીઝલની ચોરીની ફરિયાદ નોંધાવી છે.

રાજકોટ : ઘટનાના એક અઠવાડિયા પછી, ભારત પેટ્રોલિયમ કોર્પોરેશન લિમિટેડ (BPCL) એ દીનદયાળ બંદર કંડલા પાસે તેની પાઇપલાઇનમાંથી રૂપિયા 63,000 ની કિંમતનું 700 લીટર હાઇ સ્પીડ ડીઝલની ચોરીની ફરિયાદ નોંધાવી છે. BPCL મેનેજર ઘનશ્યામ ગુલવાણીએ શનિવારના રોજ કંડલા મરીન પોલીસ સ્ટેશનમાં FIR નોંધાવી હતી. (તસવીર પ્રતિકાત્મક છે)

તેમની ફરિયાદમાં ગુલવાનીએ જણાવ્યું હતું કે, તેમને 22 મેના રોજ સવારે 6 કલાકે પાઈપલાઈનમાંથી લીકેજની માહિતી મળી હતી.

પાઈપલાઈનમાં સપ્લાય બંધ થઈ જતાં તેઓ ઘટનાસ્થળે પહોંચ્યા હતા અને DPTના ફાયર બ્રિગેડને જાણ કરી હતી. તેઓને ત્યાં માનવ હાજરી અથવા ચોરીમાં વપરાતા કોઈપણ સાધનોના પુરાવા મળ્યા નથી.

એવી આશંકા છે કે, ભૂતકાળમાં કોઈએ ઓઈલ ચોરીના ઈરાદાથી પાઈપલાઈનનું પંચર કર્યું હતું અને પછી તેને યોગ્ય રીતે બંધ કર્યું ન હતું જેથી તેઓ ફરીથી ચોરી કરી શકે. જોકે, વધુ દબાણના કારણે પંચર ખુલી ગયું હતું અને પાઇપલાઇન લીકેજ થવા લાગી હતી.

કંપનીના સ્ટાફ અને ફાયર બ્રિગેડે પાઇપલાઇનની જાળવણી હાથ ધરીને જહાજમાંથી ફરી સપ્લાય શરૂ કર્યો હતો. જોકે, આંતરિક તપાસ દરમિયાન, કંપનીના અધિકારીઓને જાણવા મળ્યું કે ભૂતકાળમાં ચોરો 700 લિટર તેલ ચોરી ગયા હતા.

English summary

BPCL registers oil theft complaint in Kandla.