સુરતમાં એક સપ્તાહમાં 639 બાળકોને કોરોના, રિકવરી રેટ 4 ટકા ઘટ્યો!

શહેરમાં ફરી એકવાર કોરોનાનો કહેર વધી રહ્યો છે. સંક્રમણની બીજી લહેર કરતા પણ વધુ ઝડપથી ફેલાઈ રહ્યો છે. જે રીતે દર્દીઓની સંખ્યા વધી રહી છે તેની સીધી અસર રિકવરી રેટ પર પડી રહી છે.

સુરત : શહેરમાં ફરી એકવાર કોરોનાનો કહેર વધી રહ્યો છે. સંક્રમણની બીજી લહેર કરતા પણ વધુ ઝડપથી ફેલાઈ રહ્યો છે. જે રીતે દર્દીઓની સંખ્યા વધી રહી છે તેની સીધી અસર રિકવરી રેટ પર પડી રહી છે. એક સપ્તાહમાં અંદર રિકવરી રેટમાં 4 ટકાનો ઘટાડો થયો છે. જ્યાં એક સપ્તાહ પહેલા રિકવરી રેટ 98.5 ટકા હતો તે હવે ઘટીને 94.03 ટકા થઈ ગયો છે. બીજી તરફ એક સપ્તાહ દરમિયાન 18 વર્ષથી ઓછી ઉંમરના 639 બાળકોને ચેપ લાગ્યો છે.

શહેરમાં કોરોનાની બીજી લહેરના અંત પછી જૂનથી ડિસેમ્બર સુધી સંક્રમણ નિયંત્રણમાં હતું. આ દરમિયાન લોકોએ નવરાત્રિ, ગણેશ ઉત્સવ અને દીપાવલી જેવા તહેવારોની પણ ખુલ્લેઆમ ઉજવણી કરી હતી, પરંતુ ફરી એક વખત નવા વેરિઅન્ટની એન્ટ્રી સાથે કોરોનાનો ચેપ ફેલાવા લાગ્યો અને હવે દર્દીઓની સંખ્યા ઝડપથી વધી રહી છે. દર ત્રીજા દિવસે દર્દીઓની સંખ્યા બમણી થઈ રહી છે, તો બીજી તરફ રિકવરી રેટ પણ ઝડપથી ઘટી રહ્યો છે. એક સપ્તાહમાં રિકવરી રેટ 4 ટકા સુધી નીચે આવ્યો છે. ત્રીજી લહેરમાં બાળકોમાં પણ ચેપ ઝડપથી ફેલાઈ રહ્યો છે. આરોગ્ય વિભાગના જણાવ્યા અનુસાર, એક સપ્તાહમાં કુલ 639 બાળકો સંક્રમિત થયા છે.

આરોગ્ય વિભાગના જણાવ્યા અનુસાર, શહેરમાં પ્રથમ વેવ દરમિયાન માત્ર 191 બાળકોને ચેપ લાગ્યો હતો. જીવલેણ સાબિત થયેલી બીજી લહેરમાં 1018 બાળકોને ચેપ લાગ્યો હતો. આ ત્રીજી લહેરની શરૂઆત હોવાનું માનવામાં આવે છે અને એક સપ્તાહમાં 639 બાળકોને ચેપ લાગ્યો છે.

એક અઠવાડિયામાં નોંધાયેલા કેસ અને રિકવરી રેટ

તારીખ - કેસ - રિકવરી રેટ

01 જાન્યુઆરી 156 - 98.07
02 જાન્યુ 209 -97.90
03 જાન્યુઆરી 213 - 97.73
04 જાન્યુ. 415 - 97.38
05 જાન્યુ. 630 - 96.86
06 જાન્યુ 1105 - 95.93
07 જાન્યુઆરી 1350 - 95.03
08 જાન્યુઆરી 1578 - 94.03

English summary

Corona to 639 children in a week in Surat, recovery rate reduced by 4%!