પોલીસમાં ગ્રેડ પે મુદ્દે કેજરીવાલ પર હર્ષ સંઘવીના પ્રહાર!
ગુજરાતના ગૃહમંત્રી હર્ષ સંઘવી સુરતની મુલાકાતે છે. ગૃહમંત્રીને રાખડી બાંધવા માટે તેમના વિસ્તારની બહેનો સાથે પોલીસ મહિલા કર્મચારીઓ પણ પહોંચી હતી. મહિલા પોલીસ અધિકારીએ તેમના લાંબા આયુષ્યની શુભેચ્છા પાઠવી રાખડી બાંધી હતી.
સુરત : ગુજરાતના ગૃહમંત્રી હર્ષ સંઘવી સુરતની મુલાકાતે છે. ગૃહમંત્રીને રાખડી બાંધવા માટે તેમના વિસ્તારની બહેનો સાથે પોલીસ મહિલા કર્મચારીઓ પણ પહોંચી હતી. મહિલા પોલીસ અધિકારીએ તેમના લાંબા આયુષ્યની શુભેચ્છા પાઠવી રાખડી બાંધી હતી. આ પ્રસંગે ગૃહરાજ્યમંત્રી હર્ષ સંઘવીએ જણાવ્યું કે, મુખ્યમંત્રી ભૂપેન્દ્ર પટેલ પોલીસ વિભાગના પગાર ધોરણ અંગે સમયાંતરે બેઠકો યોજી આ દિશામાં યોગ્ય નિર્ણય લેવા પ્રયાસ કરી રહ્યા છે. તેમણે કેજરીવાલનું નામ લીધા વિના પ્રહારો કર્યા હતા.
ગૃહમંત્રી હર્ષ સંઘવીએ કહ્યું કે, કેટલાક લોકો કર્મચારીઓને લાભ મળતા રોકવાનો પ્રયાસ કરતા જોવા મળે છે. આવા મુદ્દે રાજકારણ કરવું યોગ્ય નથી. આવા લોકોની માનસિકતા ગુજરાતની જનતા સારી રીતે જાણે છે.
રક્ષાબંધન નિમિત્તે રાજ્યના ગૃહમંત્રી સુરત પહોંચ્યા હતા. તેણે પરિવાર સાથે રક્ષાબંધનનો તહેવાર મનાવ્યો, ત્યારબાદ તે પોતાની ઓફિસ પહોંચ્યા. જ્યાં મોટી સંખ્યામાં બહેનોએ તેમનું સ્વાગત કર્યું હતું અને રક્ષાબંધનની ઉજવણી કરવામાં આવી હતી. આ સાથે મહિલા પોલીસકર્મીઓએ પણ ગૃહમંત્રીને રાખડી બાંધી હતી. હર્ષ સંઘવીએ તમામ મહિલા પોલીસ કર્મચારીઓની પૂછપરછ કરી અને તેમને રાષ્ટ્રધ્વજ ભેટમાં આપ્યો હતો.