Surat: સુરતની મિેલેનિયમ 1 કાપડ માર્કેટમાં લાગી આગ, મચી અફરાતફરી
Surat: સુરત શહેરમાં કાપડ માર્કેટમાં આગ લાગવાની ઘટનાઓ સતત સામે આવી રહ્યા છે. સુરતના રિંગ રોડ પર મિલેનિયમ-1 કાપડ માર્કેટમાં આગ લાગવાની ઘટના સામે આવી હતી. આવામાં વેપારી અને ગ્રાહકોમાં અફરાતફરીનો માહોલ સર્જાયો છે.
આગના કારણે સમગ્ર વિસ્તારમાં ધુમાડો ફેલાઇ ગયો હતો. જે કારણે ફાયર બ્રિગેડના કર્મચારીઓને ઓક્સિજન માસ્ક પહેરીને આગ પર કાબૂ મેળવવામાં આવ્યો હતો.
સુરતના રિંગ રોડ વિસ્તારમાં આવેલી મિલેનિયમ-1માં આગ લાગવાની ઘટના પ્રકાશમાં આવી છે. ભોંયતળિયે લાગેલી આગની જાણ ફાયર કંટ્રોલ વિભાગને થતાં માન દરવાજા, ડુંભાલ અને નવસારી બજાર ફાયર સ્ટેશનના વાહનો સહિતનો કાફલો ઘટના સ્થળે પહોંચી ગયો હતો. સુરત ફાયર વિભાગ દ્વારા આગ પર કાબુ મેળવવાના પ્રયાસો હાથ ધરવામાં આવ્યા છે.
કપડાના મોટા ભાગમાં આગ લાગી જતાં ભારે ધુમાડો નીકળ્યો હતો. આવી સ્થિતિમાં ગૂંગળામણની અસરથી બચવા માટે ફાયર બ્રિગેડના જવાનોએ મોં પર ઓક્સિજન માસ્ક પહેરીને આગ પર કાબૂ મેળવવાનો પ્રયાસ કર્યો હતો. ત્યાં એકઠા થયેલા લોકો મોઢા પર રૂમાલ બાંધેલા જોવા મળ્યા હતા.
Click it and Unblock the Notifications
Sign in with Google
