એક પંખીએ 14 હજાર લોકોની ઉંઘ ઉડાડી દીધી, જાણો શું છે પુરો મામલો?
તમારા ઘરની નજીક ઈલેક્ટ્રીક થાંભલા હશે, જ્યાં દરરોજ અનેક પક્ષીઓ વાયર પર બેઠેલા જોવા મળે છે. જો કે પાવર સપ્લાયને કારણે તેમને કોઈ નુકસાન થતુ નથી, પરંતુ હવે એક નાના પક્ષીની ઘટનાની સમગ્ર વિશ્વમાં ચર્ચા થઈ રહી છે.
નવી દિલ્હી : તમારા ઘરની નજીક ઈલેક્ટ્રીક થાંભલા હશે, જ્યાં દરરોજ અનેક પક્ષીઓ વાયર પર બેઠેલા જોવા મળે છે. જો કે પાવર સપ્લાયને કારણે તેમને કોઈ નુકસાન થતુ નથી, પરંતુ હવે એક નાના પક્ષીની ઘટનાની સમગ્ર વિશ્વમાં ચર્ચા થઈ રહી છે. તે એક પક્ષીના કારણે 14 હજારથી વધુ લોકો એક કલાક સુધી વીજળી વગર રહ્યા હતા.
અચાનક લાઈટ ગુલ થઈ ગઈ
આ ઘટના અમેરિકાના કેલિફોર્નિયાની છે. તાજેતરમાં સાન ડિએગો કાઉન્ટીમાં લાઇટ ગુમ થઈ ગઈ હતી. શરૂઆતમાં લોકોને લાગ્યું કે આ એક રૂટીન કટ છે, પરંતુ લાંબા સમય સુધી લાઇટ ન આવતાં બધાએ વીજ કંપનીને ફોન કરવાનું શરૂ કર્યું. મામલાની ગંભીરતાને ધ્યાને લઈ વીજ કંપનીના કર્મચારીએ તાત્કાલિક તમામ સાધનોની ચકાસણી કરી હતી.
પક્ષીએ લાઈટ ગુલ કરી
થોડા સમય પછી ભૂલ મળી આવી. સાન ડિએગો ગેસ એન્ડ ઈલેક્ટ્રીક સર્વિસે અહેવાલ આપ્યો કે લા મેસા સબસ્ટેશન પર ઈલેક્ટ્રીકલ સાધનો વચ્ચે પક્ષી ફસાઈ ગયું હતું. જેના કારણે આખા શહેરની લાઈટો ગુલ થઈ ગઈ હતી અને લગભગ 14 હજાર લોકો પરેશાન થઈ ગયા હતા. જો કે, તે સાધનોને સુધારીને તરત જ વીજ પુરવઠો પુનઃસ્થાપિત કરવામાં આવ્યો હતો.
કેટલો સમય લાગ્યો?
આ કેસના એક અધિકારીએ કહ્યું કે તેમને પાવર આઉટેજનું ચોક્કસ કારણ ખબર નથી, પરંતુ ઉપકરણની વચ્ચે પક્ષી મળી આવ્યું હતું. આવી સ્થિતિમાં એવું માનવામાં આવે છે કે તેના કારણે આ બધું થયું. 90 મિનિટની મહેનત બાદ ફરી પુરવઠો પૂર્વવત થયો હતો.
ખિસકોલીના કારણે પણ લાઈટ ગઈ હતી
પ્રાણીઓને કારણે વીજળી ગુસ થવાનો આ પહેલો કિસ્સો નથી. અગાઉ જૂન મહિનામાં પણ આવી જ એક ઘટના પ્રકાશમાં આવી હતી, જ્યાં નોર્થ કેરોલિનામાં ખિસકોલીના કારણે પાવર આઉટ થયો હતો. તે દરમિયાન લગભગ 3000 ઘરો પ્રભાવિત થયા હતા.