ચીનમાં કોરોનાની નવી લહેર, 90 લાખની વસ્તીવાળુ શહેર કરાયુ સીલ
ચીનમાં ફરી એકવાર કોરોના વાયરસે પોતાનો પ્રકોપ ફેલાવવાનું શરૂ કર્યું છે. દેશમાં ફરી એકવાર કોરોના વાયરસના કેસ વધ્યા બાદ ચીને 9 મિલિયનની વસ્તીવાળા ચાંગચુન શહેરને સંપૂર્ણપણે બંધ કરી દીધું છે. પ્રશાસને શુક્રવારે શહેરમાં લોકડાઉ
ચીનમાં ફરી એકવાર કોરોના વાયરસે પોતાનો પ્રકોપ ફેલાવવાનું શરૂ કર્યું છે. દેશમાં ફરી એકવાર કોરોના વાયરસના કેસ વધ્યા બાદ ચીને 9 મિલિયનની વસ્તીવાળા ચાંગચુન શહેરને સંપૂર્ણપણે બંધ કરી દીધું છે. પ્રશાસને શુક્રવારે શહેરમાં લોકડાઉન લાગુ કરવાનો આદેશ જારી કર્યો છે.
આદેશ હેઠળ, લોકોએ કોરોના વાયરસના ફેલાવાને ધ્યાનમાં રાખીને ઘરે જ રહેવું પડશે. આ દરમિયાન સામૂહિક પરીક્ષણના ત્રણ રાઉન્ડ કરવામાં આવશે જ્યારે આવશ્યક સેવાઓ સિવાયના તમામ વ્યવસાય બંધ રહેશે. પરિવહન સેવાઓ પણ સ્થગિત કરી દેવામાં આવી છે.
ચીનમાં શુક્રવારે દેશભરમાં કોરોના વાયરસના 397 કેસ નોંધાયા છે. તેમાંથી 98 કેસ એકલા જિલિન પ્રાંતના ચાંગચુન શહેરની આસપાસના છે. જો કે શહેરની અંદર માત્ર બે કેસ મળી આવ્યા છે, અધિકારીઓએ બંધ કરવાનો આદેશ આપ્યો છે; ચીનના કડક નિયમો હેઠળ, જો કોઈ સમુદાયમાં બે કે તેથી વધુ કેસ જોવા મળે છે, તો ઝીરો ટોલેરન્સ પોલીસી અપનાવી લોકડાઉન લાદવામાં આવે છે.
તેની સાથે જ જીલિન નજીકના આ જ નામના અન્ય શહેરમાં 93 કેસ નોંધાયા છે. જ્યાં સત્તાવાળાઓએ શહેરમાં આંશિક લોકડાઉનનો આદેશ આપી દીધો છે. આ સાથે અન્ય શહેરોથી આવવા-જવાનું વાહનવ્યવહાર પણ બંધ થઈ ગયો છે.