હવે બિકીનીમાં નહીં જોવા મળે વિશ્વ સુંદરીઓ..!
લંડન, 7 જૂન : મિસ વર્લ્ડ પ્રતિયોગિતાની રાહ જોનારાઓને આ સમાચાર સાંભળીને નિરશા થઇ શકે છે. સપ્ટેમ્બરમાં ઇન્ડોનેશિયામાં યોજાનાર મિસ વર્લ્ડ પ્રતિયોગિતામાં લોકોને થોડી નિરાશા થશે. દુનિયાની સૌથી સુંદર મહિલાની પસંદગી કરવાની પ્રતિયોગીતામાં દુનિયાભરની મહિલાઓ પોતાની સુંદરતાનો જલવો પાથરશે પરંતુ તેમની વચ્ચે બિકની રાઉન્ડ નહીં થાય. મિસ વર્લ્ડ પ્રતિયોગિતામાં ભાગ લેનાર સુંદરીઓ હવે બિકીની નહીં પહેરે.
આ નિર્ણય દુનિયાના સર્વાધિક મુસ્લિમ વસ્તીવાળા દેશ ઇન્ડોનેશિયામાં આયોજિત આ પ્રતિયોગિતાના આયોજકોએ કર્યો છે. પ્રતિયોગિતાના આયોજકોએ કટ્ટરપંથિયોના વિરોધથી બચવા માટે આ નિર્ણય કર્યો છે, જોકે પ્રતિયોગિતાના આયોજકોએ એ માનવાનો ઇનકાર કરી દીધો છે.
મિસ વર્લ્ડ સંગઠનની મહિલા અધ્યક્ષ જૂલિયા મોર્લેએ જણાવ્યું કે બિકીની રાઉન્ડને હટાવવાનો નિર્ણય સ્થાનીય લોકોની ફરિયાદના પગલે કરવામાં આવ્યો છે. મુસ્લિમ ચરમપંથીઓએ જાહેરાત કરી છે કે આ અનૈતિક પ્રતિયોગિતાને દેશમાં આયોજિત નહી થવા દેવામાં આવે. તેમણે આરોપ લગાવ્યો કે આ મહિલાનું શરીર વેચવાનો શો છે, અમે તેના વિરોધમાં પ્રદર્શન કરીશું.