બ્રેક્ઝિટ બિલને સંસદમાંથી મળી મંજૂરી, 31ના રોજ EUથી અલગ થઈ જશે બ્રિટન

બ્રિટનના પ્રધાનમંત્રી બોરિસ જૉનસનના બ્રેક્ઝિટ બિલને બ્રિટનની સંસદે બુધવારે મંજૂરી આપી દીધી છે. આ સાથે જ 31 જાન્યુઆરીની રાતે 11 વાગે બ્રિટન યુરોપીય સંઘથી બહાર નીકળી જશે. આ સાથે જ બ્રેક્ઝિટ બિલ હવે કાયદો બનવા માટે તૈયાર છે. આના માટે આ બિલ પર હવે માત્ર ક્વીનની મંજૂરી મળવાની બાકી છે. ત્યારબાદ આ કાયદો અમલમાં આવી જશે.

આ પહેલા બ્રિટનના હાઉસ ઑફ કૉમન્સે યુરોપીય યુનિયાનમાંથી બહાર નીકળવાના પ્રધાનમંત્રી બોરિસ જૉનસનની સમજૂતી (બ્રેક્ઝિટ ડીલ)ને મંજૂરી આપી દીધી હતી. સમજૂતીના પક્ષમાં 330 મત જ્યારે વિરોધમાં 231 મત પડ્યા હતા. ઈયુ-યુકે વિડ્રોઅલ એગ્રીમેન્ટ બિલને હવે ક્વીનની મંજૂરી મળવાની બાકી છે કે જે સરળતાથી મળી જશે. ત્યારબાદ બ્રિટન યુરોપીય યુનિયનનુ 50 વર્ષ જૂનુ પોતાનુ સભ્ય પદ ખતમ થઈ જશે.

Brexit bill clears United Kingdom's (UK) parliament, set to become law: AFP news agency

— ANI (@ANI) 22 January 2020

બ્રેક્ઝિટનો અર્થ છે બ્રિટન એક્ઝિટ એટલે કે બ્રિટનનુ યુરોપીય યુનિયનમાંથી બહાર જવાનો છે. હાલમાં યુરોપીય યુનિયનમાં 28 યુરોપીય દેશોની આર્થિક અને રાજકીય ભાગીદારી છે. દ્વિતીય વિશ્વ યુદ્ધ બાદ આર્થિક સહયોગ વધારવા માટે યુરોપીય સંઘનુ નિર્માણ કરવામાં આવ્યુ હતુ. આની પાછળનો વિચાર હતો કે જે દેશ એક સાથે વેપાર કરશે તે એકબીજા સાથે યુદ્ધ કરવાથી બચશે. યુરોપીય યુનિયનની પોતાની મુદ્રા યુરો છે જેનો 28માંથી 19 સભ્ય દેશો ઉપયોગ કરે છે.

English summary

Brexit bill clears United Kingdom's parliament Boris Johnson