• search
For Quick Alerts
ALLOW NOTIFICATIONS  
For Daily Alerts
Oneindia App Download

કાર્ટૂનનો જવાબ કાર્ટૂનથી: મોહંમદ પયંગમ્બરના કાર્ટૂનના જવાબમાં છાપ્યા કાર્ટૂન

By Kumar Dushyant
|
Google Oneindia Gujarati News
કાહિરા, 26 સપ્ટેમ્બર: ફ્રાન્સના એક મેગેઝીનમાં મોહંમદ પયંગમ્બરનું કાર્ટૂન છાપવામાં આવ્યું હતું તેના જવાબમાં ઇજિપ્તના એક સમાચાર પત્રે કાર્ટૂનનો જવાબ કાર્ટૂનથી જ આપ્યો છે. ફરક એટલો છે કે આ કાર્ટૂનમાં પશ્વિમી દેશો અને એમાં ખાસ કરીને અમેરિકાને નિશાન બનાવવામાં આવી રહ્યું છે. ઇજિપ્તના સમાચાર પત્ર 'અલ વતન'ના સોમવારના અંકમાં 'કાર્ટૂનો વિરૂદ્ધ કાર્ટૂનોથી લડો'ની હેડલાઇન સાથે 13 કાર્ટૂન છાપ્યા હતા. જેમાં અમેરિકા પર સીધું તીર તાકવામાં આવ્યું છે.

સમાચારપત્રમાં છપાયેલા એક કાર્ટૂનમાં ચશ્મામાં સળગતા વર્લ્ડ ટ્રેડ સેન્ટરને દર્શાવવામાં આવ્યું છે. તેના નીચે લખવામાં આવ્યું છે કે 'ઇસ્લામી દુનિયા માટે પશ્વિમના ચશ્મા' 'બીજા કાર્ટૂનમાં એક અંગ્રેજ મુસ્લિમ જેવા લાગતાં વ્યક્તિ પર આતંકવાદી હોવાનો આરોપ લગાવી રહ્યો છે. અને જ્યારે તેને ખબર પડે છે કે ઇઝરાઇલનો છે તો તે તેને ફૂલ આપે છે.'

અન્ય એક કાર્ટૂનમાં મુસ્લિમ શખ્સના ફોટાને બે રીતે દર્શાવવામાં આવ્યો છે. એક ફોટામાં તે ભણેલો ગણેલો સભ્ય વ્યક્તિ દર્શાવવામાં આવ્યો છે તો બીજા ફોટામાં અમેરિકી ટોર્ચના પ્રકાશ સાથે તેના હાથમાં ચપ્પુ લઇ આતંકવાદીની જેમ દર્શાવવામાં આવ્યો છે. 'અલ વતન'ને ઇજિપ્તના ધર્મનિરપેક્ષ સમાચારપત્ર તરીકે માનવામાં આવે છે. અલવતને કાર્ટૂનોની સાથે સાથે જાણીતા ધર્મ નિરપેક્ષ લેખકોના લેખ છાપ્યા છે.

ઉલ્લેખનીય છે કે થોડાં દિવસો પહેલાં 'ઇનોસેન્સ ઓફ મુસ્લિમ્સ' નામની અમેરિકન ફિલ્મમાં કથિત રીતે મોહંમદ પયંગમ્બરનું અપમાન કરવા બદલ ધમાચકડી મચી હતી. દુનિયાભરમાં થયેલા ઉગ્ર પ્રદર્શનમાં 50 વધુ લોકોના મોત નિપજ્યાં હતાં. આ દરમિયાન ફ્રાન્સના મેગેઝીન 'ચાર્લી હેબ્દો'એ મોહંમદ પયંગબરનું કાર્ટૂન પ્રકાશિત કર્યા છે. આ મુદ્દે કાહિરામાં ખૂબ હંગામો મચ્યો છે.

English summary
In what can be seen as a thoughtful yet sharp retort to French weekly’s Prophet Muhammad cartoons, a secular Egyptian daily has come out with its latest issue publishing cartoons mocking the anti-Islam views, under the tag "Fight cartoons with cartoons".
ઝડપી સમાચાર અપડેટ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
loader
X