કોરોના વેક્સીનની દિશામાં અમેરિકાનું વધુ એક ડગલું, મોડર્નાની વેક્સીન 94 ટકા અસરકારક
કોરોના વેક્સીનની દિશામાં અમેરિકાનું વધુ એક ડગલું, મોડર્નાની વેક્સીન 94 ટકા અસરકારક
ન્યૂયોર્કઃ કોરોના વેક્સીનની દિશામાં અમેરિકા તેજીથી આગળ વધી રહ્યું છે. વ્હાઈટ હાઉસ તરફથી પહેલે જ કોરોના વેક્સીન આવવાની ડેડલાઈન 11 અથવા 12 ડિસેમ્બર રાખી દેવામાં આવી હતી. આ દરમ્યાન અમેરિકી ફાર્મા કંપની મોડર્નાએ પોતાની કોરોના વેક્સીન 94.1 ટકા પ્રભાવી હોવાની ઘોષણા કરી દીધી છે. કંપનીએ દાવો કર્યા મુજબ વેક્સીન કોરોનાના એવા સંક્રમિત દર્દીઓ પર 100 ટકા અસરકારક સાબિત થઈ છે, જેઓ ગંભીર રીતે સંક્રમિત થયા છે.
જણાવી દઈએ કે અમેરિકી કંપની હવે આ ઉપલબ્ધિ બાદ વેક્સીનની દિશામાં વધુ એક મહત્વનું ડગલું માંડવા જઈ રહી છે. કંપનીએ ફેસલો કર્યો કે રસીના પ્રાધિકરણ માટે અમેરિકી ખાદ્ય અને ઔષધિ પ્રશાસનને ત્યાં સપ્લાઈ કરશે. કંપનીએ કહ્યું કે વેક્સીનમાં મળેલી આ સફળતા બાદ તેના ઉપયોગ માટે અમેરિકી અને યુરોપિય ઈમરજન્સી પ્રાધિકરણ પાસે અરજી કરવામાં આવશે. કંપની તરફથી જાણકારી આપવામાં આવી છે કે આ કામ સોમવારે જ કરવામાં આવશે.
અગાઉ ફાઈઝરે ઘોષણા કરી હતી
જણાવી દઈએ કે અમેરિકામાં વેક્સીનની સફળતાની ઘોષણા કરતી મોડર્ના બીજી કંપની છે. અગાઉ અમેરિકી વેક્સીન નિર્માતા કંપની ફાઈઝરે પોતાના જર્મન પાર્ટનર કંપની બાયોટેક સાથે મળીને પણ પોતાની વેક્સીન 90 ટકાથી વધુ પ્રભાવિ હોવાની ઘોષણા કરી હતી. જણાવી દઈએ કે અમેરિકામાં ડિસેમ્બર સુધી વેક્સીન આવવાની ઘોષણા થઈ ચૂકી છે.