કાશ્મીર મુદ્દે ખોટુ નિવેદન આપી ફસાયા ટ્રમ્પ, કોંગ્રેસમેને માંગી ભારતની માફી

કોંગ્રેસ નેતા બ્રેડ શરમને કહ્યુ કે ડોનાલ્ડ ટ્રમ્પનું કાશ્મીર મુદ્દે આપવામાં આવેલુ નિવેદન બાલીશ અને ભ્રમિત કરનારુ તેમજ શરમજનક છે.

કાશ્મીર મુદ્દે ખોટુ નિવેદન આપી અમેરિકી રાષ્ટ્રપતિ ડોનાલ્ડ ટ્રમ્પ ચારે તરફથી ઘેરાઈ ગયા છે. જે રીતે ડોનાલ્ડ ટ્રમ્પે કહ્યુ હતુ કે ભારત કાશ્મીર મુદ્દે અમેરિકા દ્વારા મધ્યસ્થતા ઇચ્છે છે ત્યારબાદ ભારત તરફથી આ સમગ્ર મુદ્દે અધિકૃત નિવેદન જાહેર કરવામાં આવ્યુ. વિદેશ મંત્રાલયના પ્રવકતા રવીશ કુમાર સ્પષ્ટ કર્યુ છે કે ભારત તરફથી આ રીતની કોઈ રજૂઆત કરવામાં આવી નથી. ભારત તરફથી આ મુદ્દે આપવામાં આવેલી સફાઈ બાદ ડોનાલ્ડ ટ્રમ્પની અમેરિકામાં ટીકા થઈ રહી છે. કોંગ્રેસ નેતા બ્રેડ શરમને કહ્યુ કે ડોનાલ્ડ ટ્રમ્પનું કાશ્મીર મુદ્દે આપવામાં આવેલુ નિવેદન બાલીશ અને ભ્રમિત કરનારુ તેમજ શરમજનક છે. એટલુ જ નહિ બ્રેડમેન શરમેને ભારતીય રાજદૂત હર્ષ શ્રંગલાની ડોનાલ્ડ ટ્રમ્પના બાલીશ અને શરમજનક ભૂલ માટે માફી માંગી છે.

શરમેને ટ્વીટ કરીને લખ્યુ કે કોઈ પણ વ્યક્તિ જે દક્ષિણ એશિયાની વિદેશ નીતિ સમજે છે તેને ખબર છે કે ભારત સતત કાશ્મીર મુદ્દે ત્રીજા પક્ષનો વિરોધ કરતો આવ્યો છે. દરેકને ખબર છે કે પ્રધાનમંત્રી નરેન્દ્ર મોદી આ રીતનુ સૂચન ક્યારેય નહિ કરે. ટ્રમ્પનું નિવેદન બાલીશ, ભ્રમિત કરનારુ અને શરમજનર છે. તમને જણાવી દઈએ કે ડોનાલ્ડ ટર્મ્પે દાવો કર્યો હતો કે પ્રધાનમંત્રી નરેન્દ્ર મોદીએ તેમને અપીલ કરી છે કે તે કાશ્મીર મુદ્દે હસ્તક્ષેપ કરે.

પાકિસ્તાનના પ્રધાનમંત્રી ઈમરાન ખાન સાથે મુલાકાત દરમિયાન ડોનાલ્ડ કહ્યુ કે હું પ્રધાનમંત્રી નરેન્દ્ર મોદી સાથે બે સપ્તાહ પહેલા હતો. અમે આ મુદ્દે વાત કરી હતી. તેમણે કહ્યુ હતુ કે શું તમે આ મુદ્દે હસ્તક્ષેપ કરશો. મે હા કહ્યુ કારણકે કાશ્મીર મુદ્દો ઘણા વર્ષોથી વણઉકેલ્યો છે. ત્યારબાદ ટ્રમ્પે કહ્યુ કે આ મુદ્દે સમાધાન થવુ જોઈએ. જો તેમને પણ લાગતુ હોય તો વાત કરવા માટે તૈયાર છુ અને જોઈશ કે અમે આ મુદ્દે શું કરી શકીએ છીએ.

Everyone who knows anything about foreign policy in South Asia knows that #India consistently opposes third-party mediation re #Kashmir. Everyone knows PM Modi would never suggest such a thing. Trump’s statement is amateurish and delusional. And embarrassing. 1/2

— Rep. Brad Sherman (@BradSherman) 22 July 2019

I just apologized to Indian Ambassador @HarshShringla for Trump’s amateurish and embarrassing mistake. 2/2https://t.co/EjcPaNVM0M

— Rep. Brad Sherman (@BradSherman) 22 July 2019

English summary

Donald Trump faces criticism in his own country after his remark on Kashmir.