મુશર્રફ ઉત્તર પાકિસ્તાનના ચિત્રલમાંથી ચૂંટણી લડશે
ઓલ પાકિસ્તાન મુસ્લિમ લીગ (એપીએમએલ)ના નેતા શહઝાદા ખાલિદ પરવેઝે જણાવ્યું કે મુશર્રફ ગુરુવારે ખૈબર-પખ્તુન્ખવા વિસ્તારમાં આવેલા ચિત્રલ સંસદીય મતવિસ્તારમાંથી પોતાનું ઉમેદવારે પત્ર ભરવાના છે.પરવેઝે જણાવ્યું કે એપીએમએલ દ્વારા પરવેઝ મુશર્રફને પહાહી વિસ્તારમાંથી ચૂંટણી લડાવવાનો નિર્ણય લીધો છે. આ વિસ્તારમાં પાર્ટી મજબૂત પકડ ધરાવે છે.
તેમણે વિશ્વાસપૂર્વક જણાવ્યું કે એપીએમએલના પ્રમુખ આ વિસ્તારમાંથી સરળતાથી ચૂંટણી જીતી જશે. આ અંગે મુશર્રફે જણાવ્યું કે તેમણે આ મતવિસ્તારની પસંદગી એટલા માટે કરી કે અહીંના લોકો લોવરી ટનલ જેવા વિકાસલક્ષી કાર્યો કરનારા તેમના પૂર્વ રાષ્ટ્રપતિનો આભાર વ્યક્ત કરવા ઇચ્છા છે.
એપીએમએલને આ વિસ્તારમાં ભરપૂર સમર્થન મળી રહ્યું છે. તેઓ વર્ષોથી મુશર્રફને સમર્થન આપતા આવ્યા છે. આ ઉપરાંત કેટલાક અહેવાલ એવા પણ છે કે મુશર્રફ બીજા બે મતવિસ્તારો પંજાબ અને સિંધ વિસ્તારમાંથી પણ ચૂંટણી લડી શકે છે.
Click it and Unblock the Notifications
Sign in with Google
