વિઝાની અરજી કરવા માટે સ્વતંત્ર છે નરેન્દ્ર મોદી: અમેરિકા
વોશિંગ્ટન, 1 ફેબ્રુઆરી: એક ટોચના અમેરિકન અધિકારીએ કહ્યું હતું કે ભાજપના વડાપ્રધાન પદના ઉમેદવાર નરેન્દ્ર મોદી અમેરિકન વિઝા માટે અરજી કરવા માટે સ્વતંત્ર છે અને તેના માટે જે નક્કી પ્રક્રિયા છે તે મુજબ નિર્ણય થશે.
વિદેશી વિભાગની ઉપ પ્રવક્તા મેરી હર્ફે પોતાના દરરોજના સંવાદદાતા સંમેલનમાં શુક્રવારે કહ્યું હતું કે 'અમે કહ્યું છે કે તે (નરેન્દ્ર મોદી) વિઝા માટેની અરજી કરવા માટે સ્વતંત્ર છે અને તેના માટે અહીં જે પ્રક્રિયા છે તેના આધારે નિર્ણય થશે.' 2002ના રમખાણોની પૃષ્ઠભૂમિમાં 2005માં વિદેશ વિભાગે નરેન્દ્ર મોદીની અમેરિકા યાત્રા માટે વિઝા પર પ્રતિબંધ લગાવી દિધો હતો.
અમેરિકા સતત કહેતું રહ્યું છે કે નરેન્દ્ર મોદીને લઇને તેની લાંબા સમયથી અપનાવવામાં આવતી વિઝા નીતિમાં કોઇ પરિવર્તન થયું નથી પરંતુ તે વિઝા માટે અરજી કરવા માટે સ્વતંત્ર છે અને કોઇપણ અન્ય અરજીકર્તની જેમ તેમને પણ સમીક્ષા માટે રાહ જોવી પડશે.
1984ના રમખાણોના મુદ્દે કોંગ્રેસ ઉપાધ્યક્ષ રાહુલ ગાંધીના એક તાજેતરના ઇન્ટરવ્યું પર પ્રતિક્રિયા પૂછવામાં આવતાં હર્ફે કહ્યું હતું કે 'મેં તે નિવેદનોને સાંભળ્યા નથી.'